نێچیرڤان بارزانى ساڵڤهگهڕا دامهزراندنا بنگههێ لالش پیرۆز دكهت
ڕێزداران ل دەستەیا بلندا بنگەهێ لالش ـ دهۆك
ب هـەلكەفتا بیرەوەریا بوورینا ٢٣ ساڵان ژ خەبات و خزمەتا بنگەهێ لالش و ڤێخستنا شەمالكا ٢٤ ساڵیێ، گەرمترین پیرۆزباهیێ ئاراستەى تەڤایا بنگەهـ و نڤیسگەهـ و ئەندام و كادرێن وە و كوردێن ئیزدى ب گشتى دكهین.
بنگەهێ لالش دەستكەفتەكێ گرنگێ بزاڤا ڕزگاریخوازا كوردستانێیە كو ساڵا ١٩٩٣ێ لژێر دروشمێ (لالش كانیەكا زەلالە دهورتە د ڕووبارێ ڕەوشەنبیریا كوردیدا) ئاڤا بوو. دگهل ههمى ئالۆزى و ئاستەنگێن دكەتنە پێشیا ڤى بنگەهێدا، لێ ب هـەولدان و ماندیبوونا ڕەوشەنبیر و ئەكادیمى و خەمخۆرێن كولتوور و جڤاكا ئێزدییان، بنگەهێ لالش خوە ڕاگرت، بەردەوام پێشكهت و وهكى دەزگایەكێ نەتەوهیى، ئاینى، ڕەوشەنبیرى و جڤاكى دناڤا سازی یێن هـەرێما كوردستانێدا، جهـەكێ هێژا گرت.
حكوومەتا هەرێما كوردستانێ ب ئەركێ خوە زانیە كو پشتەڤانییا كار و خەباتا بنگههێ لالش بكهت داكو بكاریت باشتر خزمەتا تایبەتمەندییا ئێزدییان بكهن. جینۆسایدا دەڤەرا شنگالێ و ئهو زوڵم و ستەم ژى یاكو تیرۆرستێن داعش ل ئێزدییان كرى، مە هان ددەت كو زێدەتر خزمەتا جڤاك و سازیێن ئیزدیان بكەین داكو ب باشترین شێوە و ب ئارامى ل سەر ئاخا خوە و نێزیكى پەرستگەهـ و پیرۆزییێن خوە ل كوردستانێ، ژیان و كار و خەباتێن خوە بدۆمینن.
دیسان وە پشتڕاست دكەین كو هـەولدانێن مە دبەردەوامن ژبۆ كەیسا بجینۆسایدناساندنا كارەساتا شنگالێ لسهر ئاستا نێڤدهولهتى، ههروهسا ڕۆلێ بنگەهێ لالش پشتى ڕوودانا كارەساتێ ژبۆ خزمەتكرنا لێقەومییان و هـەلوێستا وى یا بەڕەڤانیكرنێ ژ ئاخ و ئایین و جڤاكا كوردێن ئیزدى، ب ڕێز و بلند دنرخینین.
دوبارە ساڵڤهگهڕا دامەزراندنا بنگەهێ لالش پیرۆز دكەین و هیڤیا بەردەوامى و پیشڤەچوونێ بۆ كار و خەباتا وە دخوازین.
نێچیرڤان بارزانى
سهرۆكوهزیرێ ههرێما كوردستانێ
12/5/2016
———-
Nêçîrvan Barzanî salvegera avakirina Bingeha Laliş pîroz dike
Rêzdaran li Desteya Bilinda Bingeha Laliş – Duhok
Bi hilkefta 23. salvegera xebat û xzmeta Bingeha Laliş û vêxistina şemalka 24 saliyê,em gerimtirîn pîrozbahiyê ji tevaya bingeh û nivîsêngeh û endam û kadrên we û kurdên êzîdî bi giştî dikim.
Bingeha Laliş destkeftekê giringê bizava rizgarîxwaza Kurdistanê ye ku sala 1993 bi druşma Laliş kaniyeka zelal e û diherike nava rûbarê rewşenbîriya kurdî, ava bûye. Digel hemû alozî û astengên pêşiya vê bingehê,lê bi hewldan û mandî bûna rewşenbîr û akademî û xemxorên kultûr û civaka êzdîyan,Bingeha Laliş xwe ragirt,berdewam pêşket û wekî dezgehekê neteweyî, olî,rewşenbîrî û civakî di nava saziyên Herêma Kurdistanê de cihekê hêja girt.
Hikûmeta Herêma Kurdistanê bi erkê xwe zanî ye ku piştîvaniya kar û xebata Bingeha Laliş bike ku bikare baştir xizmeta taybetmendiya êzîdîyan bike. Cînosayda devera Şingalê û zulim û sitem terorîstên DAIŞ li ser êzîdîyan,me han dide ku zêdetir xizmeta civak û saziyên êzîdiyan bikin ku bi baştirîn metod û bi aramî li ser axa xwe û nêzîkê perstgeh û pîroziyên xwe li Kurdistanê,jiyan û kar û xebatên xwe bidomînin.
Dîsan we pştirast dikim ku hewldanên ji bo keysa bi cînosayd nasandina karesata Şingalê li ser asta navdewletî me berdewame,her wiha em rola Bingeha Laliş piştî rûdana karesatê ji bo xizmetkirnia lêqewmiyan û helwêsta wê ji bo berevanîkirin ji ax û ol û civaka kurdên êzidî,bi rêz û bilind dinirxînin.
Dubare salvegera damezrandna Bingeha Laliş pîroz dikim û hêviya berdewamî û pêşve çûnê ji bo kar û xebata we dixwazim.
Nêçîrvan Barzanî
Serokwezîrê Herêma Kurdistanê
12/5/2016
تُتاح هذه الصورة أيضا في: العربية