پێشمەرگەی هێرشەكا تیرۆرستێن داعشێ ل رۆژئاڤایێ سنوونێ شكاند
تۆرا لالش یا راگەهاندنێ/شیرین شەركانی
ژێدەرەكی ژ هێزێن پێشمەرگەی ل شنگالێ راگەهاند،كو ئیرۆ 15/6/201ل دانێ سبێ، شەش خۆ كوژێن تیرۆرستێن داعشێ هێرشەكە بەرفرەه كرنە سەر سەنگەرێن پێشمەرگەی ل بەرەیێ باریێ ل رۆژئاڤایێ ناوچەیا سنوونێ.
ڤی ژێدەری ب(تۆرا لالش یا راگەهاندنێ)راگەهاند”: كو ئیرۆ ل دۆرێن دەمژمێر 11سبێ،تیرۆرستێن داعشێ ب شەش خۆ كوژان ڤە هێرشەكە بەرفرەه كرنە سەر سەنگەرێن پێشمەرگەی ل بەرەیێ بارێ ومەزارگەهێ شێشمس ب دۆراتیا پێنج كێلۆمەتران ل رۆژئاڤایێ كۆمەلگەها خانەسۆرێ و شەر وپێكدادان ل ناڤبەرا پێشمەرگەی وتیرۆرستێن داعشێ دا رودا و هێرشا وان هاتە شكاندن.
هەمان ژێدەر ئاشكەراكر:”پێشمەرگەی كاری دوو خۆكوژێن داعشێ بكوژن و هەر چارێن دی ژی ماینە و هەول ددەن خۆ بگەهیننە سەنگەرێن پێشمەرگەی وتایبەت چیایێ شنگالێ،لێ ورەیا پێشمەرگەی یا بلندە وب چ ئاوایەكی ناهێلن دوژمن نێزیكی چیایێ شنگالێ ودەڤەرێن رزگاركری ببت.
تُتاح هذه الصورة أيضا في: کوردی