پەرلەمانێ كەنەدا تاوانێن داعشێ ل دژی ئێزدیان ب جینۆساید پەسەند نەكر
ZNA
پەرلەمانێ كەنەدا،رەشنڤیسێ ناساندنا تاوانێن چەكدارێن داعشێ ل دژی ئێزدیان ل عێراقێ، وەك جینۆساید،پەسەند ناكت.
ل دووڤ هەوالێن میدیایێن كەنەدا، پارتا پارێزگارێن كەنەدا، ئەو رەشنڤیسە پێشنیاز كریە ل رێككەفتی 14/6/2016،ل ناڤ پەرلەمانێ كەنەدا ل سەر ئاخفتینە بەلێ رەشنڤیس ب جێوازیا ٢٧ دەنگا هاتە رەتكرن، چنكو ١٣٩ ئەندام پەرلەمان لگەل دا بوون و ١٦٦ ئەندام پەرلەمان ژی ل دژی پەسەندكرنا وێ بریارێ بوون.
ستێفنی دیۆن، وەزیرێ دەرڤەیا كەنەدا كو سەر ب پارتا ئازادیخوازا دەسەلاتدارە و پەرلەمانتارێن پارتا وی دژی وی رەشنڤیسی دەنگ داینە،راگەهاند:ئەو پێشنیازە تنێ هەولەكا سیاسییە.
ئەڤە ل وەختەكی دایە ناڤبری پێشتر گۆتبوو،هێشتا بەلگەیەكا وەسا ل بەردەست نینە بۆ كو تاوانێن داعشێ ل دژی ئێزدیان،ب جینۆساید بێنە ناساندن.
پەسەندنەكرنا رەشنڤیسی ب جینۆساید ناساندنا ئێزدیان ژلایێ پەرلەمانێ كەنەداڤە ل وەختەكی دایە،ئەنجوومەنێ ئاسایشا رێكخراوا نەتەوەیێن ئێكگرتی و پەرلەمانێ بریتانیا و كۆنگرێسێ ئەمریكا ئەڤ تاوانێن داعشێ ب جینۆساید ناساندینە.
تُتاح هذه الصورة أيضا في: کوردی