ڤیان دەخیل:ئەمریكا پرۆژەیەك هەیە بۆ هاریكاریكرنا شنگال و كوردستانێ
تۆرا لالش یا راگەهاندنێ
پەرلەمانتارەك ئاماژێ ب وێ چەندێ دكت،كو كەیسا ئێزدیان گەهشتیە ئەمریكا و كارێ جدی یێ ل سەر دئێتە كرن.
ڤیان دەخیل نوونەرا ئێزدیان ل ئەنجوومەنێ نوونەرێن عێراقێ ل سەر لیستا پارتی دیموكراتی كوردستان ب مالپەرێ فەرمیێ پارتی دیموكراتی كوردستان راگەهاند:”ماوەیەكێ بەری نۆكە شاندەك لگەل وەزارەتا دەرڤەیا ئەمریكا دا كۆمبووین،ب تایبەت لگەڵ “برێت ماركۆرگ” هنارتیێ تایبەتێ سەرۆكێ ئەمریكا بۆ هەڤپەیمانیا نێڤ دەولەتی دژی داعشێ،ل سەر ئایندەیێ دەڤەرێ ئاخفتین، ب تایبەت دۆخێ عێراقێ ل پشتی داعش چ گرنگە هەتا نۆكە بێتە كرن ،دا ئەو دۆخە ئارام ببت،پشای مە بەحسێ پرسا ئێزدیان كر كو مە جەخت ل سەر هندێ كر كو دڤێت تاوانێن ئێزدیان ب جینۆساید بێنە ناساندن،ل نەتەوەیێن ئێكگرتی پشتەڤانیا وی كەیسی بێتە كرن.”
گۆتژی پرسا مانا كچێن ئێزدی ل دەستێ داعش دا من گەهاندە جۆزێف برینگینگ، یاریدەرێ وەزیرێ دەرڤەیا ئەمریكا بۆ كاروبارێن عێراقێ،ل وێدەرێ ژی پرسا هاریكاریكرنا كچێن ئێزدی مە بەحسكر كو چاوا بكارین هاریكارێن وان بین و چاوا دێ كارین ژ ئەنجامێ وێ قەیرانا دارایی ئەمریكا هاریكاریا مە بكت،چنكو من ب وان گۆت كو بارێ مە زۆر یێ قورسە.
گۆتژی پشتی ئەو هەموو راپۆرت و رۆرنكرنێن مە داینە ئەمریكا، دلخۆشین ئەو بەرسڤا مە بدەن،چنكو ئەمریكیان پرۆژە هەبوون بۆ هاریكاریكرنا شنگال و كوردستانێ،من ب خۆ ل كۆچكا سپی لگەل بەرپرسێن وی وەلاتی ئاخفتین كو چاوان بكارن هاریكاریا كوردستانێ بكن.
ئەوژی مە خستە روو ژ هەولان داین كو لێپرسین ژ كەسان بێتە كررن كو دەست ل قەتلوعاما ئێزدی و شەبەك دا هەبوون.
تُتاح هذه الصورة أيضا في: کوردی