قایممقامێ شنگالێ:چارەنڤیسێ كچێن ئێزدی یێن ل فەلووجە دیار نینە
تۆرا لالش یا راگەهاندنێ
قایممقامێ قەزا شنگالێ دیاركر:” هەر ژ دەستپێكرنا ئۆپەراسیۆنا رزگاركرنا فەللوجە هەتا نۆكە چار كچێن ئێزدی رزگاربووینە ، 150 هەتا 200 كچێن ئێزدی یێن گرتی ژلایێ تیرۆرستێن داعش ڤە دناڤ باژێرێ فەللوجە دانە، هەتا ئیرۆكە چارەنڤیسێ سەدان كچێن دی هێشتا ئاشكرا نەبوویە ل فەللوجە.
مەحما خەلیل،بۆ( باسنیوز) دیاركر:” چوو پێزانینێن نوو نینن ل سەر وان كچ و ژنێن ماینە ناڤ باژێرێ فەللوجە دا،رۆژانە ئەم دهەولێن بەردەوام داینە بۆ دیاركرنا چارەنڤیسێ وان، هێشتا چوو پێزانینێن نوو ئاشكرا نەبووینە بتنێ چار یێن هاتینە رزگاركرن یێن گەهشتنیە هەرێما كوردستانێ،نۆكە دناڤ كەس و كارێن خۆ دا دژین”.
ناڤبری ئەو ژی گۆت:” هەر جهەكێ تیرۆرستێن داعش لێ هەبن بێگومان ل وی جهی كچ و ژن وزارۆكێن ئێزدیان یێن گرتی لێ هەینە،تایبەتی ژی باژێرێ مووسلێ و رەقە ئەم داخوازێ دكەین ب رێیا ئۆپەراسیۆنێن تایبەت گرتیێن ئێزدیان بێنە رزگاركرن”.
مەحما ئاشكراكر:” ئەم پشت راست نەبووینە چەند كچ و ژن وزارۆكێن ئێزدیان دروستاهی دناڤ باژێركێ فەللوجە دانە،نۆكە ددەستێ رێكخراوا تیرۆرستی یا داعشێ دا، هێشتا چارەنڤیسێ وان دیار نینە”.
تُتاح هذه الصورة أيضا في: کوردی