مەسروور بارزانی: پشتی داعشێ دڤێت عێراق بێتە پارڤەکرن
وار
شیرەتکارێ جڤاتا ئاسایشا ھەرێما کوردستانێ راگەھاند؛ پێتڤیە پشتی شکەستنا داعشێ عێراق د ناڤبەرا کورد و شیعە و سوننەیان دا بێتە پارڤەکرن.
مەسروور بارزانی د ھەڤدیتنەکێ دا دگەل ئاژانسا رۆیتەرز گۆت: فیدارلیزمێ ل عێراقێ ئەنجام نەبوویە و پێتڤییە عێراق بێتە پارڤەکرن، یانژی دناڤبەرا کورد و شیعە و سوننەیان دا کونفیدارلیەت بێنە دروستکرن و ھەر ئێکی ژی پایتەختێ خۆ ھەبت.
ب بۆچوونا شیرەتکارێ جڤاتا ئاسایشا ھەرێما کوردستانێ، عێراق گەھشتیە ئاستەکی کو ئێدی پێکھاتەیێن وێ ل ژێر ئێک سەقف دا نا ژین، ئاماژەکر سوننە ھەست دکن ژ ئالیێ شیعەیان ڤە ھاتینە پشتگوھـ ھاڤێتن، ئەڤە ژی بۆ رێخۆشکەر داعش بکارت دەڤەرێن وان بێختە ل ژێر کۆنترۆلا خۆ.
سەبارەت پاشەرۆژا مووسلێ ژی مەسروور بارزانی گۆت: پێتڤیە پێشوەخت رێککەفتن ل سەر چاوانییا ب رێڤەبرنا وێ لسەر قۆناغا پشتی رزگارکرنا مووسلێ ژ دەستێ تیرۆرستان بێتەکرن.
تُتاح هذه الصورة أيضا في: کوردی