ئێزدی رازی نابن ئەرەبێن چووینە سووریا جارەکا دی بزڤرنە شنگال
ئەڤرۆ نیوز:
ئەندامەکێ ئێزدی ل جڤاتا پارێزگەھا نەینەوا دیار کر، کو ھەر بریارەکا ھەرێم بدەت بۆ ڤەگەریان و نە ڤەگەریانا ئەرەبێن چووینە سووریا دێ پیگیر بن ب تایبەتی ژی جەنابی سەرۆک بارزانی چ بریارا بدەت دێ بجە ئینن و گۆت “لێ ب تەئکید ئەم دگەل ئەرەبێن شەمەر داینە ڤەگەرن”.
بەرەکات شەمو، ئەندامێ جڤاتا پارێزگەھا نەینەوا دیار کر ئەرەبێن دەڤەرا سنوونێ و شنگال یێ گەھشتنیە تیرۆرستێن داعش و مەزنترین خیانەت ل خەلکێ شنگال کرن نوکە مەترسیا ھەی جارەکا دی ڤەدگەرنە دەڤەرێ ئەڤە ب خوە دێ مەترسیەکا مەزن ل دەڤەری دروست کەت و گۆت “ئەم ب چ شێوەیەکێ رازی نابین ئەرەب ڤەگەرن ئەوێن گەھشتینە تیرۆرستان و چووینە سوریا”.
ناڤبری ئەو ژی دیار کر، ھێزەک ژ عەرەبێن شەمەر بۆ پاراستنا دەڤەرا رەبیعە ھاتیە پێکئینان سەر ب وەزارەتا پێشمەرگێ ھەرێما کوردستانێ ڤە و نوکە دەڤەر گەلەک ئارامە و گۆت “لێ ئەو ئەرەبێن بووینە تیرۆرست یێن چووینە وەلاتی سووریا ھەکە ڤەگەرن دێ گەلەک ئالۆزی دروست بن ئەم داخوازێ دکەین ب چ شێوەیەکی رێ ب ڤەگەریانا وان ئ
ەرەبان نەھێتە دان تایبەتی ژی یێن بووینە تیرۆرست و کچ و ژن و زارۆیێن ئێزدیان رەڤاندین”.
تُتاح هذه الصورة أيضا في: کوردی