ئەندامەكێ سەركرداتیا پارتی:پتریا وەلاتێن زلهێزێن جیهانێ پشتەڤانن ریفراندۆم بێتە كرن
تۆرا لالش یا راگەهاندنێ
ئەندامەكێ سەركرداتیا پارتی دیموكراتی كوردستان دیاركر، وەلاتێن ئەمریكا و فەرەنسا و ئەلمانیا و بریتانیا و ئیتالیا و هنگاریا و چیك و كەندا و هەموو وەلاتێن پشتەڤانیا سەرۆك بارزانی و پێشمەرگەیێ قارەمان دكن بۆ ژ ناڤبرنا تیرۆرستان، نۆكە ئەڤ وەلاتێن زلهێز یێن جیهانێ ب ئاشكەرایی پشتەڤانێن سەربەخۆیا كوردستانێ نە.
مەحمود ئێزدی بۆ باسنیوز دیاركر:” وەلاتێن هەرێمایەتی ژی هەكە پشتەڤان نەبن دژاتیێ ژی ناكن بۆ ئەنجامدانا رێفراندۆمێ بۆ سەربەخۆیا كوردستانێ و دروستكرنا دەولەتا كوردی هەتا نۆكە چ هەلویست نینە بۆ رێفراندۆمێ”.
ناڤبری ئاشكراكر:”ل سەر ئاستێ نافخۆیی ژی هەكە ئێكەتیێ ب ئاشكەرایی پشتەڤانیێ بۆ رێفراندۆمێ نەكەن ئەز وێ باوەریێ دامە دژاتیێ ژی ناكت،لێ چنكو پرۆژێ رێفراندۆمێ پرۆژی پارتییە ئەز دبینم گۆران و كۆمەل پشتەڤان نینن”.
گۆتژی وەلاتێن ئەیران و سوریا و توركیا دترسن دەمێ سەربەخۆیا كوردستانێ ل باشوری دئێتە كرن كوردێن باكور و رۆژهەلات و رۆژئاڤا ژێ داخوازا سەربەخۆیێ بكن،ئەز دبینم دەمێ یێ هاتی 40 ملیۆن كوردان دەولەتا خۆ هەبت.
تُتاح هذه الصورة أيضا في: کوردی