رێكخراوا داك ژنێن ئێزدی ب زانستی پرچەك دكت
تۆرا لالش یا راگەهاندنێ/بەختیار قادر
ب هەلكەفتا بۆرینا سالەكێ ل سەر دامەزراندنا رێكخراوا داك ژبۆ گەشەپێدانا ژنا ئێزدی،ئەڤ رێكخراوا بەردەوام هەول ددەت ئارمانجێن خۆ ب دەست ڤە بینت،ئەو ژی بەلاڤكرنا هۆشیاركرنێ و پرچەككرنا ژنا ئێزدی ب زانستی و دانەنیاسینا وێ ب ماف و ئەركان.
سوزان سەفەر،بەرپرسا رێكخراواك داك ژبۆ گەشەپێدانا ژنا ئێزدی بۆ(تۆرا لالش یا راگەهاندنێ)خویاكر:”ب هەلكەفتا بۆرینا سالەكێ ل سەر دامەزراندنا رێكخراوێ،بانگەوازی و داخوازێ ژ وان هەموویان دكەم یێن خۆ دبینن بەرەڤانیكەر ژ مافێن مرۆڤی كو ژنا ئێزدی ژبیر نەكن،ژبەركو ئەوا ژنا ئێزدی تووشبوویێ ژ كرێترين پێشلكاریێن مافێن مرۆڤی بوون”.
گۆتژی ل هەیڤا بێت دێ چەندین چالاكیان ل كەمپێن ئاواران یێن گرێدایی پارێزگەها دهۆكێ ئەنجام دەین،بەردەوامین ژی ل سەر كارێ خۆ.
ئەو ژی گۆت:” رێكخراوا بەردەوام هەول ددەت ئارمانجێن خۆ ب دەست ڤە بینت،ئەو ژی بەلاڤكرنا هۆشیاركرنێ و پرچەككرنا ژنا ئێزدی ب زانستی و دانەنیاسینا وێ ب ماف و ئەركێن وێ”.
تُتاح هذه الصورة أيضا في: کوردی