ئيرۆ نادیا موراد ل پێشیا لژنەیا ئەنجومەنا سیناتا ئەمریکا پەیڤا خۆ پێشکێش دکت
ئێن ئارتى
وەسا بریارە ئەڤرۆ نادیا موراد چالاکڤانا مافێ مرۆڤا و بەربژێرا خەلاتا ئاشتیێ ل پێشیا لژنەیا ئاسایشا ناڤخۆ و کاروبارێن حکومەتا ئەنجومەنا سیناتا ئەمریکا پەیڤەکێ پێشکێش بکت.
ئەنجومەنا سیناتا ئەمریکا ئەڤرۆ ٢١ێ حوزەیرانا ٢٠١٦ێ ل مالپەرێ فەرمیێ ئەنجومەنا خۆ بەلاڤکریە، نادیا موراد دەمژمێر ٥ێ ئێڤاری ب دەمێ کوردستانێ ل ئاڤاهیێ نڤیسینگەها سیناتا دیرکسن ل واشنتۆنا پایتەختێ ئەمریکا دێ گوتارەکێ پێشکێش کت.
مالپەرێ ئەنجومەنا سیناتا ئەمریکا ئاماژە ب وێ ئیکێ ژی کریە ژبلی نادیا مورادێ، سوبحی نەحاس سەرۆکێ ئەوێ بۆردێ و خودانێ پرۆژەیا سپێکترا، حەسەن حەسەن هەڤنڤیسەرێ کتێبا (داعش:
د ناڤا لەشکرەکێ مەترسیداردا) و موقیم ل پەیمانگەها سیاسەتا ڕۆژهەڵاتا ناڤین، هەروەسا دکتۆر تارق ئەلگەوهەری رێڤەبەرێ پرۆگراما خاندنا ئاینی و سازیا جیهانی ل چاڤکانیێن پێشڤەبرنێ و پەروەردێ بەشداریا ئەوێ کۆمبوونێ دکن.
هەڤدەم هەر ئيرۆ ڤیان دەخیل پەرلەمانتارا ب ڕەگەز ئێزدی ل پەرلەمانا عێراقێ بەشداریا کۆمبوونەکا ئەنجومەنا مافێ مرۆڤی یا نەتەوێن ئێکگرتی دکت ل باژارێ جنێڤا سویسرا، وەکی نونەرا ئێزدیان دەربارێ راپۆرتا نەتەوێن ئێکگرتی بۆ ب جینۆساید ناساندنا کەیسا تاوانا داعشێ ل دژی ئێزدیان گۆتارەکێ پێشکێش دکت.
تُتاح هذه الصورة أيضا في: کوردی