ئەمریکا ٢٠ ملیۆن دۆلار هاریکاریان ددەتە ئاوارەیێن فەلوجە
ئێن ئارتى
ویلایەتێن ئێکگرتیێن ئەمریکا گوژمێ ٢٠ ملیۆن دۆلاران وەکی هاریکاری پێشکێشی ئاوارەیێن فەلوجە دکەت.
وەزارەتا دەرڤە یا ئەمریکا راگەهاند، ب ئارمانجا د هاوارچوونا داخازیا نەتەوێن ئێکگرتی ژبۆ هاریکاریکرنا ئاوارەیێن فەلوجە بریار هاتیە دان گوژمێ ٢٠ ملیۆن دۆلاران پێشکێشی وان مالباتان بکەت کو ب سەدەمێ ئۆپەراسیۆنا ڤێ داویێ یا فەلوجە ئاوارەبوونە.
وەزارەتا دەرڤە یا ئەمریکا ئاماژە ب وێ ئێکێ ژی کریە، د دەمەکێ دی یێ ئیساڵ دا ب گوژمەکێ زێدەتر دێ هاریکاریێن مادی پێشکێشی ئاوارەیێن فەلوجە کەن.
ئەڤەژی پشتی وێ ئێکێ هات ٢٢یێ هەیڤا بووری ئۆپەراسیۆنا کونترۆلکرنا فەلوجە دەستپێکر و لگۆری دوماهیک ئاماران هژمارا وان وەلاتیان کو هەتا نها ل وی باژێرێ ئاوارەبوونە بۆ ٨٥ هزار کەسان بلندبوویە.
تُتاح هذه الصورة أيضا في: کوردی