جەعفەر ئێمینکی: ئەو لیژنەیا فراکسیۆنا گۆڕان و ئێکەتی دروستکری پەرلەمان ناهێتە کارا کرن
ئێن ئارتى
جێگرێ سەرۆکێ پەرلەمانێ کوردستانێ راگەهاند، ئەو لیژنەیا فراکسیۆنا گۆڕان و ئێکەتی دروستکری پەرلەمان ناهێتە کارا کرن و ب بێ پارتی ژی پرۆسەیا سیاسی برێڤە ناچیت.
جەعفەر ئێمینکی جێگرێ سەرۆکێ پەرلەمانێ کوردستانێ، ئەڤرۆ ٢٢ێ حوزەیرانا ٢٠١٦ێ بۆ مالپەرێ فەرمیێ پارتیا دیموکراتا کوردستانێ راگەهاند، ب وێ لیژنەیا فراکسیۆنا گۆڕان و ئێکەتی دروستکری پەرلەمان ناهێتە کارا کرن، چونکی ئەو ب خو باش دزانن کو ژکارکەتنا پەرلەمانی ب ئەگەرەکا سیاسی بوویە کو ئەو ب خو ژی بەشەک بوون ژ وێ ئێکێ و تەوافوقا پەرلەمانی شکاندنە.
تەئکید ژی ل سەر وێ ئێکێ کریە، ب بێ پارتی پرۆسەیا سیاسی ل کوردستانێ برێڤە ناچیت، چونکی لگۆری هەلبژاردن و هەمی پیڤەرەکا دیموکراسی مەزنترین هێزا سیاسی یە ل هەرێما کوردستانێ.
دەربارێ شێوازێ کاراکرنا پەرلەمانی ژی، جێگرێ سەرۆکێ پەرلەمانێ کوردستانێ راگەهاند، ئەگەر ئەو بخوازن پەرلەمان بێتە کارا کرن پێدڤییە تەوافۆقەکا نوی بکەن، بۆ کاراکرنێ پێدڤییە پرۆسەیا سیاسی بێتە دەستپێکرن و تەوافوقەکا نوی یا سیاسی بکەن، چونکی نابە ب بێ پارتی پەرلەمانێ کوردستانێ بێتە کاراکرن و ب بێ پارتی ژی پەرلەمان ناهێتە کاراکرن.
لگۆری گۆتنا جەعفەر ئێمینکی ئەو تەوافوقا بۆ پێکئانینا پەرلەمانێ کوردستانێ هاتییە کرن د ناڤبەرا ئالیان دا هاتییە هەلوەشاندن، ژبەر وێ ئێکێ هەیا کو جارەکا دی پەرلەمانی کارا بکەن پێدڤییە روونشتن و گۆتۆبێژ بێنە کرن.
تێ گۆتن کو ل رێکەفتی ١٢ێ تەشرینا ئێکەم ل بازگەها پردێ ژلایێ پارتی ڤە رێگری ژ ڤەگەریانا یوسف محەمەد سەرۆکێ پەرلەمانێ کوردستانێ هاتە کرن کو ڤەگەریتە هەولێرێ و دەمێ زێدەتر ژ هەشت هەیڤانە ل پەرلەمانی کوردستانێ چ کۆمبوون و چالاکیەک نەهاتییە ئەنجامدان.
تُتاح هذه الصورة أيضا في: کوردی