نازم دەباغ: پەیوەندیێن ھەرێمێ و ئیرانێ ب داخۆیانییەکێ تێکناچن
وار
نوونەرێ حکومەتا ھەرێما کوردستانێ ل ئیرانێ راگەھاند؛ پەیوەندیێن د ناڤبەرا ھەرێما کوردستانێ و ئیرانێ دا، ژ وێ یەکێ ب ھێزترن کو ب داخۆیانییەکێ تێکبچن.
ل دۆر بەیاننامەیا حکومەتا ھەرێمێ و گۆتنێن سەردار سەلامی جێگرێ فەرماندارێ سوپایێ پاسداران، نازم دەباغ، نوونەرێ حکومەتا ھەرێما کوردستانێ ل ئیرانێ بۆ ئاژانسا میھەر ئاشکرا کرییه، زمانێ بەیاننامێ یێ دوستانە بوو و ھەرێما کوردستانێ دوپاتیێ ل بەردەوامییا پەیوەندییان د گەل ئیرانێ دا دکەت.
گۆت ژی: ھەرێما کوردستانێ د بەیاننامەیا خوە دا داخواز کرییە پەیوەندیێن دوستانە یێن د ناڤبەرا ھەرێمێ و ئیرانێ دا بەردەوام بن.
سەردار سەلامێ، جێگرێ فەرماندارێ سوپایێ پاسداران، گەف ل ھەرێما کوردستانێ کر بوون، ژ سەدەمێ لڤینێن ھێزێن رۆژھەلاتێ کوردستانێ ل سەر سنۆری، حکومەتا ھەرێمێ ژی د بەیاننامەیەکێ دا راگەھاند بوو، گەفان ژ چو کەسەکی قەبوول ناکەن.
تُتاح هذه الصورة أيضا في: کوردی