لژنهیا ئاساییش و بهرگرییێ ل جڤاتا نوونهران: مادهیهكێ نهناسیار د پهقینێن كهراده دا هاتییه بكارئینان
وار
ئهندامهكێ لژنهیا ئاساییش و بهرگرییێ ل جڤاتا نوونهرێن ئیراقێ نهێنییهك سهبارهت تهقینێن دهڤهرا كهراده یا بهغدا ئاشكهرا كرن و راگههاند: ماددهیهكێ نهناسیار د وێ پهقینا تیرۆرستی دا هاتییه بكارئینان.
ماجد غهراوی، ئهندامێ لژنهیا بهرگری و ئێمناهییێ ل جڤاتا نوونهرێن ئیراقێ د داخویانییهكا رۆژنامهڤانی دا گۆت: ل گۆر وان ئاگههییێن ب دهست لژنهیا وان كهتین دیاربوویه، ئهو ماددهیێ تیرۆرستان د پهقینا كهراده یا ناڤهراستا باژارێ بهغدا دا بكارئینای، بهریا نها د چ كریارێن تیرۆرستی دا نههاتییه بكارئینان.
گۆت ژی: پشتی بهێنڤهدانا جهژنێ لژنهیا وان دێ لێكۆلینێ ل سهر بویهرێ كهت و ئێكهم قۆناغ دێ لێكۆلینێ ل گهل بهرپرسێن ئهمنی یێن دهڤهرا كهراده دا كهن.
ل گۆر داویی ئامارا كوشتییێن پهقینا كهراده ل ناڤهراستا باژارێ بهغدا گههشتییه 292 كهسێن سڤیل.
تُتاح هذه الصورة أيضا في: کوردی