بارزانی و كارتەر پەیوەندییەکا تەلەفۆنى ئەنجامدان
رووداو – هەولێر
مەسعود بارزانی، سەرۆکی هەرێمی کوردستان لەگەڵ ئاشتن کارتەر، وەزیری بەرگریی ویلایەتە یەكگرتووەكانی ئەمەریكا پەیوەندییەکی تەلەفۆنیان ئەنجامدا و شەڕی داعش و هاوكاریكردنی پێشمەرگەیان تاوتوێکرد.
بەپێی راگەیێندراوێکی سەرۆکایەتی هەرێمی کوردستان رۆژی دووشەممە 11-7-2016 لە پەیوەندییەكی تەلەفۆنییدا مەسعود بارزانی، سەرۆكی هەرێمی كوردستان و ئاشتن كارتەر وەزیری بەرگریی ویلایەتە یەكگرتووەكانی ئەمریكا دوا گۆڕانكارییە مەیدانییەكانی شەڕی تیرۆریستانی داعش و هەماهەنگیی نێوان هێزی پێشمەرگە و هاوپەیمانان و هێزەكانی عێراقی لە شەڕی تیرۆریستان و هەروەها هاوكاریكردنی ویلایەتە یەكگرتووەكانی ئەمریكا بۆ هێزی پێشمەرگەی كوردستان تاوتوێ كرا”.
هەر بەپێی راگەیێندراوەکەی سەرۆکایەتی هەرێمی کوردستان “وەزیری بەرگریی ئەمریكا جەختی لە بەردەوامی و پابەندبوونی وڵاتەكەی بۆ هاوكاریكردنی هێزی پێشمەرگەی كوردستان كردەوە و خۆشحاڵیی خۆیشی لە هەماهەنگی و هاوكاریی نێوان هێزی پێشمەرگە و هێزەكانی عێراق نیشاندا”.
لە بەشێكی دیكەی ئەو پەیوەندییە تەلەفۆنییەدا سەرۆکی هەرێمی کوردستان سوپاسی سوپای ئەمریكا و هێزە هاوپەیمانەكانی كرد لە پشتیوانیكردنی پێشمەرگە لە شەڕی تیرۆریستان، هەروەها پێزانینی هەبوو بۆ بڕیاری ویلایەتە یەكگرتووەكانی ئەمریكا بۆ هاوكاریكردنی هێزی پێشمەرگەی كوردستان.
تُتاح هذه الصورة أيضا في: کوردی