حوكمهت دێ دهست ب بهلاڤكرنا مووچێ ههیڤا خزیرانێ كهت
ئهڤرۆ نیوز:
دهێته چاڤهرێكرن حهفتیا داهاتی مووچێ ههیڤا گۆلانێ یێ خانهنشینكریان و مووچێ ههیڤا خزیرانێ یێ وهزارهتا پێشمهرگهی بهێته بهلاڤكرن.
ههتا نوكه ب تنێ مووچێ ههیڤا گۆلانێ یێ خانهنشینكریێن لهشكری و شارستانی بهلاڤ نهكریه، د وێ دهربارێ دا شێرزاد سورچی، سهرۆكێ بهنكا زاگرۆس بۆ رووداو گۆت: “ههتا نوكه لیستێن مووچێ خانهنیشنیكریێن لهشكری و مهدهنی نهگههشتیه دهستێ بهنكان”.
رێڤهبهرێ بهنكا زاگرۆس ئاشكهرا ژی كر كو بهنكان ئامادهیا تهمام كریه و چاڤهرێ لیستێن مووچهی و دابینكرنا پارێن پێدڤی نه بۆ بهلاڤكرنا مووچێ خانهنشینكریان.
دهربارهی دهسپێكرنا پرۆسا بهلاڤكرنا مووچێ ههیڤا خزیرانێ، ژێدهرهكێ تایبهت ل بهنكا ناڤهندی یا ههرێما كوردستانێ بۆ رووداو گۆت: “چاڤهرێ دهێته كرن ل ناڤهراست یان دووماهیا حهفتیا بهێت مووچێ ههیڤا خزیرانێ یێ وهزارهتا پێشمهرگهی بهێته بهلاڤكرن”.
ئهوی ژێدهری ئاشكهرا ژی كر كو دهێته چاڤهرێكرن ههر د حهفتیا بهێت دا مووچێ ههیڤا گۆلانێ یێ خانهنشینكریێن لهشكری و شارستانی بهێنه بهلاڤكرن.
تُتاح هذه الصورة أيضا في: کوردی