ھیومان رایتس ووچ: ٣٣٨ وەلاتیێن سڤیل ل باکورێ کوردستانێ ھاتینە کوشتن
وار
رێکخستنا ھیومان رایتس ووچ، راپۆرتەک ل دۆر رەوشا باژێرێن شرنەخێ و جزیری ل باکۆرێ کوردستانێ بەلاڤ کرییە، ئاماژە ژی ب کوشتنا وەلاتیێن سڤیل دایە.
ل گۆری راپۆرتا ھیومن رایتس ووچ، حکومەتا تورکیا رێ نادەت شاندێن لێکۆلینێن مافێن مرۆڤی و پارێزەر و رۆژنامەڤان بچنە باکۆرێ کودستانێ، دا چاڤدیرییا مافێن دەستپێکی یێن مرۆڤی بکەن و راپۆرتا خوە بەرھەڤ بکەن.
رێکخستنا ناڤبری د راپۆرتا خوە دا ئاشکرا کرییە، زێدەتر ژ سێسەد و پێنجی و پێنج ھزار وەلاتیێن وان باژێر و باژێرکێن قەدەغەیا ھاتوچوویێ لێ ھاتییە راگەھاندن، مالێن خوە ھێلاینە و ئاوارەبووینە، ژ ئەنجامێ شەر و پەڤچوونان ژی سێسەد و سیھـ و ھەشت وەلاتیێن سڤیل ھاتینە کوشتن.
نێزیکی سالەکێ یە ئۆپەراسیۆنین سوپایێ تورکیا ل چار باژێر و ھەژدە باژێرکان و ب سەدان گوندێن باکۆرێ کوردستانێ بەردەوامن، ب ھزاران سەرباز و جەندرمە و پۆلیس و ئاساییش و جەتە ب چەکێن گران پشکداریێ تێدا دکەن.
تُتاح هذه الصورة أيضا في: کوردی