بسپۆرهك:كوالێتییا نهفتا ههرێمێ ناڤنجییه لهوا ئهرزانتر دئێته فرۆشتن
دواڕۆژ:
بسپۆرهكێ نهفت و گازێ ل ههرێمێ خویاكر كو؛ “كوالێتییا نهفتا ههرێمێ ناڤنجی یه لهوا ب بهایهكێ ئهرزانتر ل بازاڕێن جیهانی دهێته فرۆشتن، بۆ هندێ بكهرێن خوه ههبیت”.
د. بێوار خنس بسپۆرێ نهف و گازێ ل ههرێمێ بۆ دواڕۆژ زهلالكر كو؛ “ل كێلگههێن ههرێمێ وهكو شێخان، تهق تهق و تاوكێ جۆرێن جودا یێن نهفتێ دهێته دهرئێخستن كو كوالێتییا وان ژێك جودایه ئانكو هندهك دباشن و هندهك باش نینن و دهما دهێنه تێكهلكرن كوالێتییهكا ناڤنجی ژێ دروست دبیت، لهوا ب بهایهكێ ناڤنجی دهێته فرۆشتن وئهڤ كێشه گرێدایی ب كۆمپانیێ نهفتێ نینه بهلكو جۆرێ نهفتا ههرێمێ ب ڤی رهنگی یه”.
د. بێوار خنسی ئاماژه ب هندێ ژی داكو؛ “دهما كوالێتییا نهفتێ یا كێم بیت پاقچكرنا وێ ژی دێ ب زهحمهتتر و ب بهایهكێ گرانتر بیت، لهوا ههرێم نهچاره ب 5 ههتا 10 دۆلاران بۆ ههر بهرمیلهكێ ئهرزانتر بفرۆشیت بۆ هندێ بكهرێن خوه ههبیت”.
بسپۆرێ نهف و گازێ ل ههرێمێ راگههاند كو؛ “ههرێمێ بسپۆرییهكا كێم د بهرههمئینان و بازاركرنا نهفت و گازێ ههیه، لێ كۆمپانییا سۆمۆ 60 سالن ڤی كاری دكهت و 34 كۆمپانیێن جیهانی یێن ناڤدار نهفتێ ژێ دكرن، لهوا ئهو كۆمپانی دشێت نهفتا ئاسانتر و ب بهایهكێ باشتر بفرۆشیت”.
د. بێوار خنسی ئهڤ چهنده ژی دا دیاركرن كو؛ “ل جیهانێ سێ جۆڕێن نهفتێ ههنه و ههر ئێك ب بهایهكێ دهێته فرۆشتن بۆ نموونه نهفتا برێنت گرانتره ژ نهفتا تێكساس، چونكو كوالێتییا وێ باشتره و كرێیا ڤهگوهاستنا وێ كێمتره و دیسا كرێیا كێلگههێ و كۆمپانییان سژی كێمتره”.
تُتاح هذه الصورة أيضا في: کوردی