2593 ئێزدى ژ دهستێن داعش یێن هاتينه رزگاركرن
باسنيۆز:
حسێن كورو، رێڤهبهرێ نڤیسینگهها كاروبارێن رهڤاندیان ل رێڤهبهریا گشتیا كاروبارێن ئێزدیان وهزارهتا ئهوقافا ههرێما كوردستانێ دیار كر، پشتی هژمارهكا زۆر ژ رهڤاندیێن ئێزدی ژ دهستێن داعش هاتینه رزگاركرن، ل ڤی دووماهیێ رزگاركرنا رهڤاندیان زۆر ب زهحمهت كهڤتیه، ژ بهر كو تیرۆرستان چاڤدێرێ گهلهك یا توند و دژوار كری ل سهر ههمی رهڤاندیان، بهری نوكه ب كۆم رهڤاندی هاتینه رزگاركرن، لێ نوكه یێ بووینه كت كت، ئانكو ب كۆم ناهێنه رزگاركرن.
كورو زێدهتر گۆت: “رێكخراوا تیرۆرستی داعش گرهنتیێ ژ وان تیرۆرستان یا وهرگرتی یێن رهڤاندیێن ئێزدی ل نك وان و ههر كهسهكێ رهڤاندی، تیرۆرستان فایلهكا تایبهت بۆ وی رهڤاندی یا چێكری و تێدا ههمی پێزانین ژ وێ رهڤاندنێ هاتینه وهرگرتن، ئهڤه بوویه ئاستهنگ بۆ رزگاركرنا رهڤاندیان، چونكو تیرۆرست رێ پێ نادهن چ لڤینهكێ بكهت ههتا ژی رێ نادهن رهڤاندنێ ژ مال دهركهڤیت”.
رێڤهبهرێ نڤیسینگهها كاروبارێن رهڤاندیان خویاژی كر، تیرۆرستێن داعش سیستهمهك بۆ فرۆتنا رهڤاندیان داناینه، ل گۆر هزرا خۆ تیرۆر رهڤاندیان تهقدیر دكهن، د وهختهكی دا رهڤانی ب 50 ههتا 200 دولاران كرین و فرۆتن پێ دهاته كرن، ئهو ژی ل گۆر ژیێ رهڤاندی تیرۆرستان بها دهستنیشان دكر، مخابن چ دهولهتان ههتا نوكه هاریكاری نهكرینه بۆ رزگاركرنا رهڤاندیان، د وهختهكی دا ب فهرمی داخوازێ ژ حكوومهتا عیراقێ هاته كرن و هاریكاریێ بكهت بۆ رزگاركرنا رهڤاندیێن ئێزدی، مخابن ل عیراقێ ئێك پێنگاڤ نههاڤێژیت.
حسین كورو گۆت: “2593 كهس ژ دهستێن رێكخراوا تیرۆرستی یا داعش یێن هاتنیه رزگاركرن، ژ وان 326 زهلامن و 937 كچ و ژنن و 1130 زارۆكێن نێر و مێنه و ههتا نوكه 3600 كهسێن رهڤاندی ماینه د دهستێن رێكخراوا تیرۆرستی یا داعش دا و ههول و بزاڤێن مه دبهردهوامن بۆ رزگاركرنا ههمی رهڤاندیان”.
ناڤهاتی ئاماژه دا وێ چهندێ، هندهك رێكخراو بۆ ب دهستڤهئینانا پارهی ب تنێ بۆ مهرهمێن خۆ یێن كهسایهتی كار دكهن، وان رێكخراوان ئێك رهڤاندی رزگار نهكرینه، ب تنێ بازرگانیێ ب كهیسا رهڤاندیان دكهن و دێ پێرابوون دگهل دا هێنه وهرگرتن.
تُتاح هذه الصورة أيضا في: کوردی