نەتەوەیێن ئێكگرتی سۆزدا خزمەتكاریان پێشكێشی ناوچەیا سنوونێ بكت
تۆرا لالش یا راگەهاندنێ
شاندەكێ نەتەوەیێن ئێكگرتی ژ بەشێ هەماهەنگیێ ،یێ پێكهاتی ژ رێڤەبەرا بەشی ل عێراقێ و رێڤەبەرێ نڤیسینگەهێ ل دهۆكێ سەرەدانا ناوچەیا سنوونێ كرن.
ل رۆژا سێ شەمبوویێ 19تەموزا 2016،شاندێ ناڤبری سەرەدانا ناوچەیا سنوونێ كر و لگەل”نایف سەیدۆ” رێڤەبەرێ ناوچەیێ و “سلێمان فانۆ” نوونەرێ جڤاتا ناوچەیێ و سەرۆكێ بنگەهێ لالش تایێ سنوونێ و “جەمیل سفوك” رێڤەبەرێ باژێرڤانیێ كۆمبوو،كو ل سەر چەندین بابەتان ئاخفتن یێن گرێدایی كاروبارێن وان.
دلایەكێ كۆمبوونێ دا،رێڤەبەرێ ناوچەیا سنوونێ پێشنیازا كۆمبوونەكا هەیڤانە یا هەموو رێكخراوێن مرۆڤایەتی كر یێن ل هەموو دەڤەرێن ناوچەیێ كار دكن،ژبۆ چاوانیا خزمەتكرنا دەڤەرێ و دانانا پلانێن پاشەرۆژێ بۆ چاوانیا مفاداربوون ژ كارێن وان،ل بەرامبەردا شاندی خۆشحالیا خۆ ب ڤێ پێشنیازێ دەربری كو ئۆمێدەوارن ل نێزیك بجهبینن.
هەروەسا “سلێمان فانۆ” نوونەرێ جڤاتا ناوچەیێ رۆناهیەك خستە سەر رەوشا دەڤەرێ ژلایێ خزمەتكاریان و ب تایبەت كارەبێ و ئاڤێ،ژوانرا گۆت وان ئۆمێد و باوەری ژ هەموو جهان ژ دەست دایە،لدۆر پێشكێشكرنا خزمەتكاریان بۆ دەڤەرێ و ب تایبەت حكوومەتێ و نەتەوەیێن ئێكگرتی كو ئاخڤتنن و بێ كریارن و ب تایبەت پرۆژێ كارەبا عۆێنات_زۆرئاڤا.
شاندێ نەتەوەیێن ئێكگرتی سۆزدان ب جدی كاربكن،ژبۆ پێشكێشكرنا باشترین خزمەتكاریان بۆ دەڤەرێ.
تُتاح هذه الصورة أيضا في: کوردی