گهۆرین كەفتینە داب و نەریت و جەژن و رێورسمێن ئاینی دا
تۆرا لالش یا راگەهاندنێ
ل ژێر ناڤێ(چلێ هاڤینێ و زڤستانێ و پەیوەندییا وان یا فەلەكی و سەقایی) ،نڤیسینگەها لالش ئێسیان روونشتنەكا ڤەكری ئەنجام دا و تێدا ئاماژە هاتە كرن كو گهۆرین كەفتینە داب و نەریت و جەژن و رێورسمێن ئاینی دا.
ب ئامادەبوونا ژمارەكا رەوشەنبیر و مامۆستایان،ل رێككەفتی 26/7/2016،ئەڤ روونشتنا ڤەكری ل باخچەیێ هۆلا لالش ئێسیان هاتە ئەنجامدان،كو تێدا “قاسم میرزا”پەیڤەك پێشكێشكر ل دۆر چلێ هاڤینێ و پەیوەندیا وێ یا فەلەكی و سەقایی ب چلێ زڤستانێ ڤە،كو هژمارتنا فەلەكی یا زڤرینا ئەردی ل دۆر رۆژێ و چاوان دكەفتە هژمارا هەردوو چلەیان دا شرۆڤەكر،ئاماژەكر ژی نابت ژڤانێن وان بێنە گهۆرین یێن ل سەر رێككەفتین،تەكەزكر ژی كو ل ڤان رۆژان دبینین كو گهۆرین كەفتینە دگەلەك داب و نەریت و جەژن و رێورسمێن مە یێن ئاینی دا و كاریگەری یا ب مەترسی یە و دڤێت سەكنین ل سەر بێتە كرن و بێتە چارەسەركرن.
ل پێرا گەنگەشە دناڤبەرا ئامادەبوویان دا ل سەر بابەتی هاتە كرن.
تُتاح هذه الصورة أيضا في: کوردی