كۆمەكا كەسایەتیێن كۆمەلگەها شاریا سەرەدانا بنگەهێ لالش ل دهۆكێ كر
تۆرا لالش یا راگەهاندنێ
كۆمەكا كەسایەتیێن جڤاكی و رەوشەنبیری ل كۆمەلگەها شاریا، دسەرەدانەكێ دا بۆ بنگەهێ لالش ل دهۆكێ، سوپاسیێن خۆ ئاراستەی بەرێز”شێخ شامۆ”سەرۆكێ بنگەهی كرن بۆ خزمەتا پێشكێشی كۆمەلگەهێ دكت.
ئیرۆ رۆژا ئێكشەمبوویێ 31/7/2016،كۆمەكا كەسایەتیێن جڤاكی و رەوشەنبیری ل كۆمەلگەها شاریا،سەرەدانا بنگەهێ لالش ل دهۆكێ كرن و ژ ئالیێ”شێخ شامۆ”سەرۆكێ بنگەهی ڤە هاتن پێشوازیكرن، دپێشیێ دا كەساتیان سوپاسیێن خۆ ئاراستەی بنگەهی و شەخسێ سەرۆكێ بنگەهی كرن،بۆ گرنگی پێدانا وان ب كۆمەلگەهێ ژلایێ جڤاكی یان رەوشەنبیری ڤە و رەوشا كۆمەلگەهێ و بەردەوام سەروبەركرنا هەردوو هۆلێن لالش ،ئاماژەكرن كو هەر پێتڤی وداخوازییەكا وان هەبت بنگەهی تەخسیری ژ وان را نەكریە.
ژلایەكێ دیڤە،ب درێژی گەنگەشە ل سەر رەوش وپتر خزمەتكرنا خەلكێ كۆمەلگەهێ هاتە كرن.
هەروەسا ژئالیێ خۆ ڤە”شێخ شامۆ”سۆزدا ل گۆر پێچێبوون و کارینا خزمەتا خەلكێ كۆمەلگەهێ بكە وگۆت:”خەلكێ شاریا ژ هەژی خزمەتەكا زێدەتره، هەر چەندە حكوومەتا مە دقەیرانێ دایە و وەكی دلێ خۆ مەنكاریە خزمەتێ بكەین ژی،بەلێ سۆزێ ددەین ژی یا ژمە بێت ئەم بكارن ژێرا بكن “.
كەسایەتیێن كۆمەلگەهێ ژی سوپاسیێن خۆ پێشكێشی سەرۆكێ بنگەهێ لالش كرن،ب تایبەت كو ل ژێرچاڤدێریا وی هەردوو هۆلێن بیرەوەرییان ل شاریا بەردەوام دئێنه سەخبیر و سەروبەركرن.
تُتاح هذه الصورة أيضا في: کوردی