موختارێ گۆندێ كۆچۆ:19 وەلاتی ژبن كوشتیان رزگاربووینە و هێشتا 278 وەلاتی دیار نینن
تۆرا لالش يا راگههاندنێ
مۆختاری گۆندی كۆچۆ دیاركر، ل رۆژ
ا 15/8/2014 سالڤەگەرا دوویێ یا داگیركرنا گۆندی كوچو دێ هێتە ساخكرن و هەموو خەلكێ گۆندی كوچو 12 رۆژان دوورپێچكری بوون و حوكمەتا عیراقێ و دەولەتین جیهانێ چوو نەكر بۆ رزگاركرنا خەلكێ گۆندی بتنی سەرۆك بارزانی هەموو شیانێن خوە هاریكاریا كرب شەڤ و رۆژ سەرۆك بارزانی نە راوەستیا هەتا شنگال رزگاركری.
نایف جاسو، مۆختاری گۆندی كۆچۆ بۆ (باسنیوز) دیاركر: “هندەك خیزانێن گۆندی كۆچۆ چو كەسین ساخ نەماینە هندەك خیزانان ژی ئێك كەس یێ مایی و هندەك خێزانان ژێ دو كەس ماینە سەرجەمێ 1700 وەلاتێن گۆندی كۆچۆ 503 هاتینە رزگاركرن هەتا نوكە چارەنڤیسی 278 كەسان دیار نینە و 280 وەلاتی هاتینە كوشتن و 77 ئافرەتی ژی ب كۆم هاتینە كوشتن”.
مۆختاری گۆندی كۆچۆ، زێدەتر گۆتژی: “د كارەساتا شنگالێ دا ل تەباخا سالا 2014 تێرۆرستێن داعش گۆندی كۆچۆ هەموو گرتن د ئەنجامدا سەدان كەس كوشتن و رەڤاندن هەتا نوكە گۆرین ب كۆم گۆندی كۆچۆ نەهاتینە ڤەكرن و 19 وەلاتێن گۆندی كۆچۆ ژبن كوشتیان رزگاربووینە”.
نایف جاسو، خۆیا كر دەستەیا بلند بنگەهێ لالش ل دهۆكێ دێ بیروەریا كارەساتا گۆندی كۆچۆ ساخ كەت ئەم دێ تێدا چەندین داخوازیان ئاراستەی حوكمەتی و هەموو لایەنێن پەێوەندار كەن.
تُتاح هذه الصورة أيضا في: کوردی