شێخ شامۆ:پرۆژهكێ مهزن دهستێ بارزانی دا یه پێتڤیه ئهم خۆ بۆ را بهرههڤ بكن
باسنيۆز:
سهرۆكێ دهستهیا بلندا بنگههی لالش یێ رهوشهنبیری و كۆمهلایهتیی دیاركر سالڤهگهرا دوویێ داگیركرن و كۆمگۆژیا گۆندی كۆچۆ 15/8 هاته ساخكرن دهرمانكرنا برینا كۆچۆ یا زهحمهته ئهو خهمێن دلی خهلكێ دا ، زوو ب زوو ساخ نابن ئهو چیرۆكێن چهرك بر گۆندی كۆچۆ ناهێنه ژبیركرن كوشتنا دایكێن ب كۆم و رهڤاندنا كچ و ژنان و كوشتنا زارۆیان برینهكا گرانه ل سهر دلی ههر ئێزدیهكی ههر شنگالهكی ههر كوردستانهكێ.
شیخ شامو، ئهندامێ پهرلهمانێ كوردستانێ و سهرۆكێ دهستهیا بلندا بنگههی لالش یێ رهوشهنبیری و كۆمهلایهتی، دیاركر: “سهرۆك بارزانی سوز دایه ئێزدیان رهوشا پهریشان دا نههێلیت رۆژ دووڤ رۆژی سهرۆكێ ههرێما كوردستانێ سوزا خوه نوو دكهت و دهڤهرێن ئێزدیان رزگار دكهت، پاشهرۆژكا گهش ل پێشا ئێزدیانه، ئهو لایهنێن بزاڤا جۆداكرنا شنگال ژ كوردستانێ دكهن ئهو دوژمنێن ئێزدیان و شنگالی نه، ئهو قوربانێن ئێزدیان داین جارهكی وهكو ئاین وجارهكی وهكو كورد قوربانێن مهزنن پێدڤیه ئهم ل ئاستی ڤان قوربانیان بین”.
ئهڤ ئهندامێ پهرلهمانێ كوردستانێ و سهرۆكێ دهستهیا بلندا بنگههی لالش یێ رهوشهنبیری و كۆمهلایهتی، زێدهتر گۆتژی: “پتر ژ 8 هزار پێشمهرگهه ل فهرماندا شنگالی نه ههموو خهلكێ شنگالی بخوه یه و كار یێ دهێته كرن دام ودهزگههێن شنگال خوه رێڤهببهن و شنگال گریدای ههولیر بیت و خهلكی شنگال بریارا خوه بدهن و ئهم باش زانین پرۆژهكی مهزن ل بهر دهستێ سهرۆك بارزانی یه پێدڤیه ئهم خوه بهرههڤ بكهن بۆ پرۆژی سهرۆك بارزانی ئهم وان دهستێن تێكدهر ژناڤ ببهن”.
شیخ شامو، گۆتژی: “داخوازی ژ ههر سی سهرۆكاتین ههرێما كوردستانێ دكهن ئهو وهلاتێن هاتێنه رزگاركرن ژیانا وان خرابه داخوازی دكهین ژیانا وان بپرسن ، خیزانێن شههیدین كارهساتا شنگالی وكۆچو و كرعزیر ژبیر نهكهن بلا ماڤی وان بهێته دابینكرن وشههید ڤان كارهساتان ببنه شههیدین جینوسایدی و بیی سهروشینكرین وان ژی ببنه زێندانێن”.
تُتاح هذه الصورة أيضا في: کوردی