دیندار زێباری: یەكینەيێن بەرخودانا شنگال چەندین گوند وێرانكرينه
باسنيۆز:
د. دیندار زێباری سەرۆكی لیژنەی دەرخستتنی راستییەكان لە كۆنگرەیەكی رۆژنامەنووسی ئاماژە بۆ ئەوە دەكات كە بەپێی راپۆرتی نێودەوڵەتی دەركەوتووە كە ژمارەیەك لە گوندەكانی ناوچەی شنگال بە دەستی هێزێكى بەناو كوردی تێك داراون.
ئاماژەی بۆ ئەوەش كرد “بە فەرمانی مەسعوود بارزانی، سەرۆكی هەرێمی كوردستان لیژنەیەك بۆ دەرخستنی راستییەكان پێك هێنراوە و دەركەوتووە ئەو گوندانە لەلایەن یەكینەكانی بەرخودانی شنگال (ی. ب ش) كە هێزێكی نزیك لە پەكەكەیە تێك دراون.”
زێباری گوتیشی: “ئەو گوندانە بەهۆی ئەوەی كە بەشێكیان هاوسۆزی داعش بوونە و هاوكاریی ئەو رێكخراوەیان كردووە، بۆیە هێزەكانی یەكینەی بەرخودانی شنگال گوندەكەیان بە باش و خراپەوە تێك داوە و لە راپۆرتە نێودەوڵەتییەكان ئاماژەی بۆ كراوە، بەڵام هێزەكانی سەر بە وەزارەتی پێشمەرگەی كوردستان تەواو هاوكار بوون بۆ خەڵكی ناوچەكە و ڕێگرییان لە كاولكاریی ناوچەكە كردووە و ئەویش لە راپۆرتەكاندا ئاماژەی بۆ كراوە.”
لە ساڵی 2014 لیژنەی دەرخستنی راستییەكان بە فەرمانی مەسعوود بارزانی سەرۆكی هەرێمی كوردستان پێك هێنراوە و نوێنەرایەتیی وەزارەتەكانی پێشمەرگە و ناوخۆ و داد و ئەنجومەنی وەزیرانی تێدایە.
تُتاح هذه الصورة أيضا في: کوردی