شاندەكێ ناوچەدارییا سنوونێ پیرۆزباهیێ ل پێشمەرگەیێ شنگالێ دكن
تۆرا لالش یا راگەهاندنێ
ب مەرەما پێشكێشكرنا پیرۆزباهیێ ب هەلكەفتا سەركەفتنێن ڤێ داویێ ب سەر تیرۆرستێن داعشێ دا،شاندەكێ فەرمی ژ ناوچەدارییا سنوونێ،سەرەدانا چەند سەنگەرێن پێشمەرگەیێ قارەمان و فەرماندەیا شنگال یا پێشمەرگەیێ كوردستانێ كر و پیرۆزباهی ل پێشمەرگەی كرن.
ل رێككەفتی 17/8/2016،شاندەكێ فەرمی ژ ناوچەدارییا سنوونێ یێ پێكهاتی ژ”نایف سەیدۆ”رێڤەبەرێ ناوچەدارییا سنوونێ و “ئلیاس خدر”سەرۆكێ جڤاتا سنوونێ دگەل ژمارەكا ئەندامێن جڤاتێ و “رفو حەسەن” و”حاجو سالح”بەرپرسێن لژنێن ناڤخۆیێن سنوون و خانەسۆرێ یێن پارتی دیموكراتی كوردستان دگەل ژمارەكا كادرێن هەردوو لژنان وعەقید”كەمال داود”رێڤەبەرێ پۆلیسێن شمال و نەقیب”عەزیز حەجی”رێڤەبەرێ ئاسایشا سنوونێ و “سلێمان فانۆ”سەرۆكێ بنگەهێ لالش تایێ سنوونێ و ژمارەكا بەرپرسێن فەرمانگەهان ل ناوچەداریێ،سەرەدانا چەند سەنگەرێن پێشمەرگەیێ قارەمان و فەرماندا شنگال یا پێشمەرگەی و بارەگایێ لیوا هەشت كرن و ژبال فەرماندە”قاسم شەشۆ” فەرماندێ فەرماندا شنگال و لیوا”هشم سیتی”ئامر لیوا و ژمارەكا ئەڤسەر و پلەداران هاتنە پێشوازیكرن،بۆ پێشكێشكرنا پیرۆزباهیێ ب هەلكەفتا سەركەفتنێن داویێ یێن ب دەست ڤە ئیناین بەری دوو رۆژان ل سەر درێژاهیا بەرەیێن سەنگەرێن شەری ل كەرتێن شنگال،ژئەنجامێ هێرشا تیرۆرستێن داعشێ.
ل بەرامبەر دا،فەرماندا شنگال و لیوا هەشت خۆشحالیا خۆ ب ڤێ سەرەدانێ دەربری.
تُتاح هذه الصورة أيضا في: کوردی