كۆنسلێ ئەلمانی:ئێزدیان تایبەتمەندیا خۆ ل نك حكوومەتا ئەلمانیا هەیە
تۆرا لالش یا راگەهاندنێ
كرستوفر بروكر،كۆنسلێ ئەلمانی ل هەولێرێ راگەهاند،ئێزدیان تایبەتمەندیا خۆ ل نك حكوومەتا ئەلمانیا هەیە و دێ پێكۆلێن خۆ ئێخینە كار بۆ پێشكێشكرنا باشترین خزمەتكاریان و ل سەر پشتەڤانیا خۆ یا سەربازی بۆ هێزێن پێشمەرگەی دێ دبەردەوام بین.
ل سەر داخوازناما كۆنسلیا ئەلمانی ل هەولێرێ و ل رێككەفتی 28ئابا 2016،كۆنسلێ ئەلمانی ل هەولێرێ” كرستوفر بروكر”ل گەل “سلێمان فانۆ”نوونەرێ جڤاكێ سنوونێ و “حەسەن فنوش” نوونەرێ جڤاكێ رەبیعە و “سلێمان عەلی” نوونەرێ جڤاكێ زوومارێ و ب ئامادەبوونا”ئحسان ولزی”شیرەتكارێ كاروبارێن سیاسی و پەیوەندیێن گشتی ل كۆنسلیێ ل باژێرێ دهۆكێ كۆمبوو،بۆ گەنگەشەكرنا رەوشێ ل وان دەڤەران ب شێوەیەكێ گشتی و ب تایبەت گرێدایی خزمەتكاریان و چاوانیا ڤەگەرانیا ژیانێ بۆ وان دەڤەران.
پشتی بەیانناما هەر نوونەرەكی ل سەر رەوشا دەڤەرێن وان،ب تایبەتمەندیا ئێزدیان تەكەست ل سەر جڤاكیێ سنوونێ هاتە كرن و پشتی نوونەرێ سنوونێ هەلویستێ باشێ ئێزدیان رۆنكری ژ ئەلمانان حكوومەت و گەلێ وێ،كۆنسلێ ئەلمانی گۆت:” ئێزدیان تایبەتمەندیا خۆ ل نك حكوومەتا ئەلمانیا هەیە و دێ پێكۆلێن خۆ ئێخینە كار بۆ پێشكێشكرنا باشترین خزمەتكاریان ب رێیێن جودا یان ب رێیا قەرێن حكوومەتا عێراقێ یان پشتەڤانیا حكوومەتا كوردستانێ یان رێكخراوێن ئەلمانی یێن تایبەتمەند و ل سەر پشتەڤانیا خۆ یا سەربازی بۆ هێزێن پێشمەرگەی دێ دبەردەوام بین”.
تُتاح هذه الصورة أيضا في: کوردی