كاسبكارەكێ كوردێ ئێزدی پڕەكێ كەل و پەلێن خوارنێ دگەهینتە پێشمەرگەی ل بەرۆكێن شەری
تۆرا لالش یا راگەهاندنێ
كاسبكارەكێ كوردێ ئێزدی ژ قەزا شێخان ژ كەدا كارێ خۆ یێ رۆژانە،پڕەكێ كەل و پەلێن خوارنێ د رێیا لقێ 20ێ پارتی دیموكراتی كوردستان گەهاندنە بەرۆكێن شەری.
دبەردەوامیا گەهاندنا هاریكارییان بۆ بەرۆكێن شەری ژ تەخ و چینێن جەماوەرێ قەزا شێخان بۆ پێشمەرگەهێن قارەمان،ل رێككەفتی،٣٠/٨/٢٠١٦ێ،وەلاتیێ قەزا شێخان “حەسەن عەلی دەروێش” یێ هەوێری ژ كوردێن ئێزدی وەك كاسبكارەك ژ كەدا كارێ خۆ یێ رۆژانە پڕەكێ كەل و پەلێن خوارنێ د رێیا لقێ 20ێ پارتی دیموكراتی كوردستان گەهاندنە بەرۆكێن شەری و ب ئامادەبوونا بەرێز”ناجی بالەتەیی”كارگێرێ لقێ 20ێ شێخان یێ پارتی و “مەهدی حەسەن” بەرپرسێ بەشێ جەماوەری یێ لقێ 20 سەرەدانا سوپایێ 3كرن و ژبال بەرێزعەقید”حەمید پیر موس”جێگرێ سوپایی و ئەفسەرێن لەشكەری هاتن پێشوازیكرن و بناڤێ سوپایی سوپاسیا وەلاتی”حەسەن”وشاندێ لقێ كرن بۆ ڤێ هاریكاریێ و هەستێ دەڤەرا شێخان یێ نەتەوەیی،وەك كاسبكارەك كەدا كارێ خۆ ژبۆ پێشمەرگەی بینت،ئەڤە نیشانا وەفاداریا گەلێ مەیە كو رۆژانە شاندێن جۆراو جۆرێن پێكهاتێن دەڤەرێ سەرا پێشمەرگەی ددەن،ئەڤ چەندە ژی دێ پتر مورالا پێشمەرگەی بلند كت.
هەر هەمان دەم دا،شاندێ ناڤبری سەرەدانا هێزا ئاگری كرن و هاریكاری ل سەر خالێن وان ژی دابەشكرن و فەرماندێ هێزێ بەرێز”لقمان شرفانی” بناڤێ هێزێ سوپاسیا شاندێ لقێ و وەلاتی”حەسەن”كرن بۆ ڤێ سەرەدانێ و هاریكاریا گەهاندیا هێزا وان ، هەروەسا هەمان هاریكاری گەهاندنە هێزا پاراستنا لالش و نان خوارنەك بۆ پێشمەرگەی و هەڤالێن لقێ ئامادەكربوون ل پەرستگەها لالش.
هەروەسا ژبەر ڤێ خزمەت وماندوبوونا وەلاتیێ ناڤبری”مەهدی حەسەن”بناڤێ لقێ 20 ێ شێخان سوپاسیا وی كر،ژبۆ ڤێ هاریكاریێ و دلشوزیا وی بۆ پێشمەرگەی وداخوازا سەركەفتنێ بۆ را خواست.
تُتاح هذه الصورة أيضا في: کوردی