رێكخەرێ لژنا قوتابیێن ئێزدی ل بنگەهێ لالش سەرەدانا وەزارەتا خووندنا بلند و ڤەكۆلینێن زانستی یا هەرێمێ كر
تۆرا لالش یا راگەهاندنێ
پشتی پەیوەندی و پێكۆلێن بەردەوام یێن بەرێز”شێخ شامۆ”سەرۆكێ دەستەیا بلندا بنگەهێ لالش ل دهۆكێ لگەل دیوانا جڤاتا وەزیرێن هەرێما كوردستانێ سەبارەت قوتابیان،دوهی 4/9/2016،رێكخەرێ لژنا قوتابیان ل بنگەهێ لالش “رەعەد تارق” سەرەدانا وەزارەتا خووندنا بلند و ڤەكۆلینێن زانستی/فەرمانگەها وەرگرتنا ناڤەندی یا هەرێمێ كر.
رەعەد تارق، رێكخەرێ لژنا قوتابیان ل بنگەهێ لالش چاف ب “شوان دلاوەر”بەرپرسێ دۆسا قوتابیێن ئێزدی كەفت ود دیدارەكێ دە،لگەل وی و هەموو یێن شۆلەژێ ل وەزارەتێ ئاخڤیم ل سەر هەر تشتەكێ گرێدایی ب قوتابیان ڤە و رێگریێن پێشوازیكرنا وان یان نووكرنا وان و رەوانەكرنا سەركەفتیان ژوان بۆڤەگوهاستنێ ژبال هندەك زانكۆ و پەیمانگەهان ڤە.
تارق ئاماژەكر هەموو دۆسێن قوتابیان یێن ئاسێ مە گەهاندن و بەرپرسێ دۆسا قوتابیێن ئێزدی دێ خووندنێ ل سەر كت و وان ئازاران دێ ڤەگوهێزت بۆ وەزیری و “د.ئارام”رێڤەبەرا وەرگرتنا ناڤەندی و جهێن دی یێن پەیوەندیدار.
تُتاح هذه الصورة أيضا في: کوردی