400 سه‌ربازێن دى يێن ئه‌مریكی بۆ شه‌رێ رزگاركرنا مووسلێ گه‌هشتنه عێراقێ
كوردستان تيڤى
هێزه‌كانی ئه‌مریكا له عێراق، رایگه‌یاند كه چوار سه‌د سه‌ربازی دیكه‌ی ئه‌مریكی گه‌شتنه سه‌ر خاكی عێراق به مه‌به‌ستی به‌شداریكردن له ئۆپه‌راسیۆنی ئازادكردنی موسڵ كه چاوه‌ڕوان ده‌كرێت له‌م پایزه ئه‌نجام بدرێت.
كۆڵۆنێل جۆن دووریان، گه‌وره‌ی گوته‌بێژانی هێزه‌كانی ئه‌مریكا له عێراق، له لێدوانێكدا بۆ ماڵپه‌ڕی میلیتاری تایمزی ئه‌مریكی، ڕای گه‌یاند : هێزێكی دیكه كه ژماره‌یان چوارسه‌د سه‌ربازی ئه‌مریكی ده‌بێت، له هه‌فته‌ی ڕابردوودا گه‌شتنه عێراق.
ڕوونشیكرده‌وه، كه ئاماده‌كارییه‌كان به‌رده‌وامن بۆ هێرشی ئازادكردنی موسڵ له ده‌ست داعش كه چاوه‌ڕوان ده‌كرێت له‌م پایزه‌دا ئه‌نجام بدرێت. هاوكات به‌رپرسانی سه‌ربازی ئه‌مریكا، ڕایان گه‌یاند، ژماره‌ی هێزه ئه‌مریكییه‌كان له‌سه‌ر خاكی عێراق به‌رزبووه‌ته‌وه بۆ چوار هه‌زار و چوارسه‌د سه‌رباز كه پێشتر سێ هه‌زار و نۆسه‌د سه‌رباز بوون له هه‌فته‌ی ڕابردوو.
تُتاح هذه الصورة أيضا في: کوردی