نوونهرێ بارزانی دێ پشكداری كۆمبوونا ئۆباما و عهبادی بیت
ئهڤرۆ نیوز:
بڕیاره د كۆمبوونا باراك ئۆباما سهرۆكێ ئهمریكا و حهیدهر عهبادی سهرۆك وهزیرێن عیراقێ دا، نوونهرێ مهسعود بارزانی سهرۆكێ ههرێما كوردستانێ ئامادهی كۆمبوونێ ببیت.
بۆ پشكداریكرنا د روونشتنا 71 سالیا نهتهوێن ئێكگرتی دا، ئهڤرۆ 18ی ئیلۆنا 2016ێ حهیدهر عهبادی ب سهرۆكاتیا شاندهكی بهر ب وهلاتێ ئهمریكا ڤه چوو و ههر ئێك ژ هشیار زێباری وهزیرێ دارایێ عیراقێ و فهلاح حهسهن وهزیرێ چاندێ ههڤالینیا وی دكهن و وهزیرێ ژ دهرڤه یێ عیراقێ ژی كو نوكه ل فهنزوێلایه بڕیاره بگههیته شاندی.
ب گۆرهی بهرنامێ كاری یێ حوكمهتا عیراقێ بۆ دهزگههێن راگههاندنێ رهوانهكری، ژبلی پشكداریی كرن د كۆمبوونا نهتهوێن ئێكگرتی دا، بڕیاره حهیدهر عهبادی ل گهل چهندین سهركردێن جیهانێ كۆم ببیت و ژ وان ژی باراك ئۆباما سهرۆكێ ئهمریكا.
ب گۆرهی چهند پێزانینهكان ژی كو K24 ب دهست خوه ئێخستینه، د روونشتنا حهیدهر عهبادی و باراك ئۆبامای دا، فوئاد حسێن وهكو سهرۆكێ دیوانا سهرۆكاتیا ههرێمێ وهكو نوونهرێ مهسعود بارزانی سهرۆكێ ههرێما كوردستانێ پشكدار بیت.
د كۆمبوونێ ژی دا بڕیاره دانوستاندن ل سهر رزگاركرنا باژێرێ مووسل و قوناغا ب رێڤهبهرنا مووسل پشتی رزگاركرنێ بهێنه گهنگهشهكرن و فوئاد حسێن ژی دێ بهحسا چاوانیا پشكداریكرنا پێشمهرگهی د شهرێ رزگاركرنا مووسل دا كهت.
تُتاح هذه الصورة أيضا في: کوردی