توركیا: پێشمهرگه ههڤپهیمانێن مه نه و بێ بهرامبهر دێ چارهسهریا وان كهین
ئهڤرۆ نیوز:
وهزارهتا دهرڤه یا توركیا هێزێن پێشمهرگێ كوردستانێ ب ههڤپهیمان دنیاسیت و راگههاندنهكێ د وێ دهربارێ دا بهلاڤ دكهت.
رۆژا ئێكشهمبی رێكهفتی 25ی ئیلۆنا 2016ێ وهزارهتا دهرڤه یا توركیا راگههاندنهك بهلاڤكر و تێدا راگههاند كو توركیا دێ ههموو وان خهرجیێن چارهسهریا ئهو پێشمهرگێن بریندار ب ستوویێ خوه ڤه گریت.
د راگههاندنێ دا وهزارهتا دهرڤه یا توركیا پێشمهرگهی وهكو ههڤیهپمانێن وهلاتێ خوه د شهرێ دژی داعش دا ددهته نیاسین و راگههاندیه كو ژ بهر كو وهلاتێ وان دژی داعشه، دێ هاریكاریا ههموو ئهوان لایهنان كهت یێن شهری دژی داعش دكهن و دڤێت ئارامی بۆ رۆژههلاتا ناڤهراست ڤهگهریت.
ههیڤا بۆری 61 پێشمهرگه ل شهرێ داعش بریندار ببوون و پشتی وهرگرتنا چارهسهریا پێدڤی ل نهخۆشخانێن ههرێما كوردستانێ، ل رۆژا 22ی ئیلۆنا ئهڤ ساله ب فرۆكێ رهوانهی وهلاتێ توركیا كربوون ب مهرهما وهرگرتنا چارهسهریا پێدڤی.
تُتاح هذه الصورة أيضا في: کوردی