شێخ شامۆ:ئازادكرنا دەڤەرێن مە گرێدایی ئازادكرنا مووسلە
تۆرا لالش یا راگەهاندنێ
نوونەرێ ئێزدیان ل پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ راگەهاند:”دڤێت جەنابێ میر”تەحسین بەگ” میرێ ئێزدیان ل جیهانێ و كوردستانێ دگەل جڤاتا رۆحانی و كەسایەتیێن سیاسی و رەوشەنبیرێن ئێزدیان جڤینەكێ بكت و بەیانەكێ چێكن و لگەل سەرۆك بارزانی و سەركردایەتیا سیاسی یا كوردستانی روونن ،كو بزانن ل ڤێ قۆناغا نازك نەخشێ پشتی نەمانا داعش بۆ ڤان پێكهاتێن كوردستانی ل دەردۆرێن مووسلێ چیە و ژنێك ڤە بزانن كا چ ژ ئێزدیان وێ وەرە كرن.
شێخ شامۆ،نوونەرێ ئێزدیان ل پەرلەمانێ كوردستانێ و سەرۆكێ دەستەیا بلندا بنگەهێ لالش ل دهۆكێ،دچاڤپێكەفتنەكێ دە لگەل كەنالێ(كوردستان 24)راگەهاند:” قۆناغا نۆكە قۆناغەكە نازكە و بەحسێ ئازادیا مووسلێ دئێتە كرن و ئەم ئێزدی 90% جڤاك و جوگرافیەتا مە ل ڤێ هێلا ستراجیا دەردۆرێ مووسلە و راستە پرانی یا ئازادە ل سەر دەستێ پێشمەرگێ قارەمان،بەلێ ئازادكرنا مووسل گرێدایی ئازادكرنا دەڤەرێن مەیە یانكو ئازادكرنا دەڤەرێن مە گرێدایی ئازادكرنا مووسلە،لەوما چ میدیا ئەرەبی یان كوردستانی دووڤچوونا دكن كا بزانن هەلویستێ ڤان پێكهاتا و بۆچۆنێن وان و پێشنیارێن وان بۆ ئایندە وپشتی نەمانا داعشێ چیە،ئەو لگەل جەنابێ میرێ ئێزدیان سێ كەنالا دڤێ دهەیامێ دە دیدار ئەنجامدان ئەو ژی كەنالێن(رووداو،بی بی سی ،ئەلعەربیە) بوو،مخابن هەكە توو هەرسێ دیدارا لهەڤ بدەی هەلویستێن جودا ژێ پەیدا دبن لگەل كەنالێ كوردی جەنابێ میر وەكە كوردستانێ خۆ ددەتە خویاكرن و لگەل یێ ئەرەبی وەكی عێراقی خۆ بدە ناسكرن ئەڤە جیێ مخابنیێ یە و نەلایقێ مەزناتی و مقامێ میرە،نە دوهی و نەئیرۆكەیە جودا مە هەبوو و نە مە ئایندەیەكێ جودا ل كوردستانێ هەیە كەڤنێن ڤی وەلاتی ئەمن و ئەم نەمێڤانن ل سەر ڤی ئەردی هەرۆژ بازارەكێ ل سەر رەسەنەتیا مە بێتە كرن و ئەو قوربانیێت مە ددرێژاهیا دیرۆكێ دە ژبۆ بوونا كوردستانێ و ئاخا كوردستانێ و هەبوونا ئێزدیاتیێ داین بەرامبەری هەموو پێكهاتێن دیتر یێن كوردستانێ و دیسان خەلكێ كوردستانێ دووجاركی نە،ئەم ل دیرۆكەكا تراژیدی نە ژبوونا ئاخا كوردستانێ و ژبوونا ئازادیا ئیرۆ ب دەست كوردستانێ كەفتی.
ئاماژە ب وێ چەندێ ژی كر،پێشمەرگێ قارەمان شنگالا مە ئازادكر،وەختێ خەلكێ مەرەڤینە كوردستانێ،جڤاتا رۆحانی یا ئێزدیان دگەل وەكیلێ جەنابێ میری گازیا خۆ گەهاندنە سەرۆك بارزانی ژبۆ ب گازیا مە بێن ئەو ئەڤە سەرێ دووسالا پترە سەرۆك بارزانی و پێشمەرگێ قارەمان مژوولی ئازادكرنا شنگالن ئەم قەردارێن پێشمەرگێ قارەمانن و ئەمریكا و هەڤپەیمانێ وێ و جیهانا ئاشتی خواز و شاهد وسوپاسدارێ پێشمەرگێ قارەمانن كاچاوا شنگال ئازادكرن و چاوا ئیرۆ خەندەق كۆلاینە ل دەڤەرێن مەیێن ئازادكری و بەرەڤانیێ لێ دكن و مژوولی ئازادكرنا دەڤەرێن دیترن،ئەم ژبەری هەموو كەسی سوپاسدارێ پێشمەرگێ قارەمانن.
ئەو چەندە ژی دیاركر:”وەكو هەست و هەبوون و جڤاك و جوگرافیەت و دیرۆك و كلتۆر وزمان و قوربانیدان،ئێزدی ددرێژاهیا دیرۆكێ دە مللەتێ هەرێ كەڤنێ كوردستانێ نە،جوگرافیەتا ئێزدیان جوگرافیەتا كوردستانێ یە چوو جوگرافیەتێن جودا ژ كوردستانێ نینن،ئێزدیان راستە تایبەتمەندیا خۆ هەیە ئەگەر ئێزدی دمەغدور بن دكارن دگەل سەركردایەتیا سیاسی یا كوردستانێ ب شێورن و قۆناغ قۆناغەكە نازكە ،ئەركێ جەنابێ میرێ ئێزدیایە دڤێتن دگەل جڤاتا رۆحانی و كەسایەتیێن سیاسی و رەوشەنبیرێن ئێزدیان جڤینەكێ بكت و بەیانەكێ چێكن و لگەل سەرۆك بارزانی و سەركردایەتیا سیاسی یا كوردستانی روونن و بزانن ل ڤێ قۆناغا نازك نەخشێ پشتی نەمانا داعش بۆ ڤان پێكهاتێن كوردستانی ل دەردۆرێن مووسلێ چیە و ژنێك ڤە بزانن كا چ ژ ئێزدیان وێ وەرە كرن،ئەڤە مافێ مەیە ئەم ل مەغدۆریا خۆ چارەنڤیسێ خۆ بپرسن بەس ئەو خزمەتا ئێزدیان ناكت ل هەر كەنالەكی دیدارەك بێتە گۆتن یان هەلویستەك بدەتە خویاكرن تێدا دووبەرەكی پەیدا ببت لناڤ خۆیا ئێزدیان دا و دلتالیەك پەیدا بت دناڤبەرا مە و برایێن مە یێن كوردا.
تُتاح هذه الصورة أيضا في: کوردی