پارێزەركا ئەمریكی:كارەساتا ئێزدیان دێ بتە جینۆساید
تۆرا لالش یا راگەهاندنێ 
پارێزەركا ئەمریكی ل نەتەوەیێن ئێكگرتی راگەهاند:”ئەڤ فەرمان و كارەساتا ب سەرێ ئێزدیان هاتی دێ بتە جینۆساید،چنكو بەلگە یێن هاتینە كۆمكرن ل سەر تاوانێن هاتینە كرن ل دژی وان و رۆژ بۆ رۆژێ ئەڤ دۆسە یا مەزن دبت،ژبەركو هەموو جیهان ل سەر ئاگەهداربوو”.
جاكلین ئەسحاق،بۆ رۆژنامەیا دەنگێ لالش گۆت:”ئەز ئێك ژوان پارێزەرامە وەك خۆ بەخش كار دكەم بۆ كەیسا ئێزدیان،داكو بتە جینۆساید و دێ بتە جینۆساید،چنكو تاوانێن مەزن ل دژی مرۆڤایەتیێ هاتینە ئەنجامدان،ل ڤان نێزیكان دادگەهەكا تایبەت ل رۆژهەلاتا ناڤین ل سەر دۆسەیا تاوانێن داعشێ دێ ئێتە دروستكرن و ئەو ئەندامێن وێ رێكخراوێ دێ ئێنە دادگەهكرن”.
پارێزەرێ ئەو چەندە ژی ئاشكەراكر:” كو لسەر بابەتێ دروستكرنا دادگەهەكا تایبەت ل رۆژهەلاتا ناڤین ئاگەهداریا وەلاتێ مسرێ هاتیە كرن وئەم چاڤەرێی بەرسڤەكێ نە،چنكو مسر وەلاتەكێ موسلمانا یێ گرنگە ل دەڤەرێ،ئەگەر دانپێدان ب جینۆسایدا ئێزدیا وكێمنەتەوەیان كر دێ پێنگاڤەكا باش ئێتە هاڤێتن”.
تُتاح هذه الصورة أيضا في: کوردی