چالاكڤانێن ئێزدی دخوازن شنگال ببتە پارێزگەه سەر ب هەرێما كوردستانێ ڤە
تۆرا لالش یا راگەهاندنێ/قاسم عەلی
ل هێرشا تیرۆرستێن داعشێ بۆ سەر قەزا شنگالێ ئەرەبێن دەڤەرێ رۆلەكێ مەزن هەبوو بۆ هاریكاریكرنا تیرۆرستان وكوشتن وگرتنا ئێزدیان دە،نڤیسكار و چالاكڤان و میدیكارێن كوردێن ئێزدی داخوازو پێشنیار دكن ئەگەرشنگال ببتە پارێزگەه سەر ب هەرێما كوردستانێ ڤە وئیدارەكە سەربەخۆ هەبت،فەرمان و كارەسات جارەكا دی دووبارە نابنەڤە.
نڤیسكار”خەلات شڤان”خویاكر:”دەمێ شنگال تووشی هێرشێن تیرۆرستێن داعشێ بووی ئەوێن هاریكارییا وان كری هەموو ئەرەبێن دەڤەرێ بوون و رۆلەكێ مەزن هەبوو،دتالانكرنا سامانێ ئێزدییا وكوشتن ورەڤاندنا كچ وزارۆكێن وان دە ،ب دیتنا من پشتی زڤرینا ئاوارا بۆ جهێن وان دێ ناكۆكی ل دەڤەرێ روودەن”.
میدیاكار”جەمیلە شركانی” دیاركر:”هەر ژ سەردەمێ بۆری وتا نۆكە ئێزدی ب دروستی ب مافێن خۆ شاد نەبووینە ومافێ خۆ ددەولەتێ دە نینە ،رێژا وان دپەرلەمانێ عیراقێ دە گەلەكە یە كێمە ورێژا ئێزدییا ژی یە كێمە،ژبەر تووشبوونا وان بۆ كۆمكوژییا ژبەر نە تێكەلبوونا وان ئانكو حەلیانا وان دگەل جڤاكێ ئەرەبی ورۆژهەلاتا ناڤین”.
هەروەسا نڤیسكار”حەیدەر عزام”گۆت:”پێنگاڤا سەرەكی ئەوە نۆكە كارەساتا شنگالێ ببتە جینۆساید،دیسان ئەگەر شنگال ببتە پارێزگەه سەر ب هەرێمێ ڤە،ئەڤ جۆرە فەرمان و كارەسات ب دژی كوردێن ئێزدی جارەكا دی دوبارە نابنە ڤە”.
ژبال خۆڤە چالاكڤان”لەیلێ عەزیز”دبێژت:”پێشنیار دكەم شنگال ببتە پارێزگەه سەر ب هەرێما كوردستانێ ڤە وئیدارەكە سەربەخۆ هەبت و ژلایێ هێزێن نێڤدەولەتی ڤە بێتە پاراستن،ژبەر ناكۆكیێن دەرەكی، دەربارەی كۆچكرنێ ئەز دگەلم ونە ب دژی وێ مە ژی چنكو ژیانا گەلە ك خەلكێ نەخۆش بوو ژبەر كوشتن وگرتن وكۆمكوژییا”.
تُتاح هذه الصورة أيضا في: کوردی