ژڤانێ سهرهدانا سهرۆكێ ههرێمێ و سهرۆكێ حوكمهتێ بۆ ئیرانێ هاته دیاركرن
ئهڤرۆ نیوز:
بڕیاره مهسعود بارزانی سهرۆكێ ههرێما كوردستانێ و ل گهل دا نێچیرڤان بارزانی سهرۆكێ حوكمهتا ههرێما كوردستانێ سهرهدانا تههران یا پایتهختێ ئیرانێ بكهن و ل گهل بهرپرسێن پله بلندێن وی وهلاتی كۆم ببن.
مالپهرێ ئەلوەقت بهلاڤكریه كو سۆپایێ پاسدارێن ئیرانێ ژ زارێ بهرپرسهكێ بلندێ وهزارهتا ژ دهرڤه یا ئیرانێ راگههاندیه، “سهرۆكێ ههرێما كوردستانێ رۆژئێن ئێكشهمبی و دوشهمبی كو دبیته 12 و 13ی ڤێ ههیڤێ بگههیته تههران و د ڤێ سهرهدانێ دا، سهرۆكێ حوكمهتا ههرێما كوردستانێ دێ ل گهل بیت”.
مالپهرێ ناڤبری كو یێ نێزیكی سوپایێ پاسدارێن ئیرانێ یه دایه زانین كو ئهجنیدا سهرۆكێ ههرێما كوردستانێ دێ چهندین پرسێن ئهمنی و سیاسی و ئابووری بن و ژ وان ژی شهرێ داعش و ئۆپهراسیۆنا رزگاركرنا مووسل.
بڕیاره د ڤێ سهرهدانا خوه دا، مهسعود بارزانی سهرۆكێ ههرێما كوردستانێ ل گهل ههر ئێك ژ سهرۆك كۆمارێ و ئیرانێ و سهرۆكێ پهرلهمانێ وی وهلاتی كۆم ببیت.
ههر چهنده ماوهكێ درێژه ئهڤ سهرهدانا سهرۆكێ ههرێمێ هاتبوو راگههاندن، بهلێ ژڤانێ وێ نههاتبوو دیاركرن و كهفته پشتی سهرهدانا مهسعود بارزانی بۆ بهغدا.
تُتاح هذه الصورة أيضا في: کوردی