عێراقێ رهتكر رێ بدهت توركیا ل شهرێ مووسل دا بهشدار بت
K24 – ههولێر:
وەزارەتی دەرەوەی عێراق ئاشكرای كرد رێگە بە ھێزە سەربازییەكانی توركیا نادەن بەشداری لە ئۆپەراسیۆنی كۆنترۆڵكردنەوەی موسڵدا بكەن.
وەزارەتی دەرەوەی عێراق لە بەیاننامەیەكدا ئەمڕۆ رایگەیاند، شەڕی موسڵ تەنھا پەیوەستە بە ھێزە عێراقییەكان و حكومەتی عێراق ھیچ پێویستییەكی بە ھێزەكانی ناوچەكە نیە و رێگە نادەن لایەنی دەرەكی عێراق بكەنە مەیدانی بەرژەوەندییەكانی نێودەوڵەتی.
لە بەیاننامەكەدا ئاماژە بەوە كراوە كە وەزارەتی دەرەوەی عێراق بڕیاری دەسەڵاتدارانی توركیا لەبارەی مانەوەی ھێزەكانیان لەو وڵاتەدا بە نیگەرانی و ھۆكاری تێكچوونی پەیوەندیەكانی ھەردوو وڵات دەزانێت.
بەیاننامەكەی وەزارەتی دەرەوەی عێراق لەبەرامبەر ئەو ھەڵوێستەی رەجەب تەیب ئەردۆغان، سەرۆك كۆماری توركیا بووە كە داخوازكاری بەشداری ھێزەكانی وڵاتەكەی ببو لە ئۆپەراسیۆنی كۆنترۆڵكردنەوەی موسڵدا.
تُتاح هذه الصورة أيضا في: کوردی