رێڤەبەرێ ناحیا سنوونێ: چەكدارێن پەكەكێ ناهێلن ئارامی ل شنگال دروست ببیت
باسنيۆز:
رێڤەبەرێ ناحیا سنوونێ دیاركر چەكدارێن پەكەكێ ب ناڤێن وەهمی و ترۆمبیلێن جام رەش و بیێ ژمارا كارێن تێكدانێ دكەن ل دەڤەرا شنگال وناهێلن ئارامیێ ل دەڤەری دروست ببیت، ئەم چوو جۆداهیێ نابینن ناڤبەرا رێكخراوا تیرۆرستێ داعش و لایەنێ کو هەر دوو فەرمانبەر ل سەر ئاخا شنگال تیرۆركرین.
نایف سەیدو، رێڤەبەرێ ناحیا سنوونێ بۆ (باسنیوز) دیاركر هەكە پەكەكە شنگال ڤالا نەكەت ئارامی ل دەڤەرێ دروست نابیت. ب راستی ژی كوشتنا دوو فەرمانبەران ل سەر چیای شنگال زۆر خەلكێ شنگال دلگران كرینە هەكە تاوانبار نەهێنە ئاشكراكرن وسزادان ئەم دبینن دێ گەلەك كەسێن دێ هێنە تیرۆركرن. پێدڤیە قانوون رۆلێ خوە بگێریت تاوانبار بگەهنە سزایێن خوە دادپەروەرانە.
گۆتژی: “چەكدارێن پەكەكێ ب ترۆمبێلێن جام رەش و بیێ ژمارا و ب ناڤێن وەهمی ل دەڤەرێ نە. ئەڤە ئەگەرێ سەرەكییە کو ئارامی دروست نەبیت ل دەڤەرێ. چونكو دەمێ كەسەك تاوانەكی ئەنجام دەت نەهێتە دەستەسەركرن دێ چەوا ئارامی دروست بیت. پێدڤیە پێگیری بریاری و قانوونی بهێتە كرن هەر كەس ولایەنەكێ هەر دوو فەرمانبەرێن رێڤەبەریا رێك و پران ل دهۆكێ شەهید كربن چیای شنگال بهێتە گرتن و سزادان”.
تُتاح هذه الصورة أيضا في: کوردی