نێچیرڤان بارزانی: كهرتێن خزمهتگۆزاری دێ دهینه دهست كهرتێ تایبهت
ئهڤرۆ نیوز:
نێچیرڤان بارزانی د گۆتارهكێ دا د پهراوێزا كۆنگرێ سیێ یێ ئێكهتیا ژوورێن بازرگانی دا كو ئهڤرۆ ل ههولێر هاته سازكرن راگههاند كو حوكمهتێ بزاڤێ دكهت ب رهنگهكێ گهلهك باش پشتهڤانیا كهرتێ تایبهت بكهت و كهرتێن خزمهتگۆزاری ژی بدهته دهست كهرتێ تایبهت.
نێچیرڤان بارزانی دا زانین كو رۆلێ كهرتێ تایبهت د پێشڤهچوونا ئابوورا ههرێما كوردستانێ كو ناڤونیشانێن ڤی كۆنگرهیه، بابهتهكێ گرنگه و ههردهم جهێ گرنگیدانا حوكمهتا ههرێما كوردستانێ بوویه.
تێگههشتن و دیتنا حوكمهتا ههرێما كوردستانێ بۆ كهرتێ تایبهت كو ب باوهریا نێچیرڤان بارزانی، دینهموویا پێشكهفتنا ئابووریه و ههردهم ئهڤه بوویه ئهو كهرت یێ دشێت رۆلهكێ گرنگ و مهزن د پێشڤهچوون و بهر ب پێشڤهبرن و بهرفرههكرن و ههمووجوركرنا ئابوورا ههرێما كوردستانێ بگێریت.
سهرۆك وهزیرێن حوكمهتا ههرێما كوردستانێ گۆتژی: “حوكمهت هزر ل وێ چهندێ دكهت كو هێشتا ئاسانكاریێ بۆ كهرتێ تایبهت بكهت و بۆ ڤێ مهبهستێ ژی بزاڤێ دكهت كهرتێن خزمهتگۆزاریا گشتی ژی پێنگاڤ ب پێنگاڤ بدهته كهرتێ دهست كهرتێ تایبهت دا كو دهرفهتهكا دی یا مهزنتر د ڤی واری دا بۆ كهرتێ تایبهت ههبیت.
ههر وهكو نێچیرڤان بارزانی گۆتی: “ئهڤ سیاسهته د كاودانێن وهكو نوكه یێن ئابووری دا، دێ بیته ئهگهرێ سڤككرنا بارێ حوكمهتا ههرێما كوردستانێ و دروستكرنا بزاڤهكا باشتر یا ئابووری و بازرگانی ل ههرێما كوردستانێ”.
تُتاح هذه الصورة أيضا في: کوردی