زاروك و زیانێن یاریێن ئهلكترونی
وار
د گهل هاتنا كهرهستێن ئهلكترونی، نها ب میلیونان زاروك و سنێل لسهرانسهری جیهانێ، وهك رێڤنگهكێ تهنیا و غهریب، ب سهعهتان د چنه د ناڤ جیهانهكا مهجازیدا و ژ راستییا ژیانێ دویر كهفتینه. (لاب توپ، ئایپاد، پلێ ستیش) ، بوونه ههمی دونیایا نهوێ نویی و ئهڤ دیارده مهترسیهكا ب هێزه لسهر ساخلهمییا روحی و فیزیكی یا ڤی نهوهیی.
ههر چهند هندهك تایبهتمهند وهسا هزر دكهن كو ئهڤ یاریه دبنه ئهگهرا ئهكتیڤ كرن و راهێنانا مێشكی و ئهگهرهكه بو داهێنانا هزرێن نوویی ، لێ د گهل هندێ دا ئهگهر ژ لایێ دایك و بابانڤه ب دروستی نههێنه كونترولكرن، زیانێن مهزن لسهر زاروكی و پاشهروژا وی ههنه، ژ وان:
ئهو زاروكێن دهمهكێ زور بو ڤان یاریان تهرخان دكهن، ژ خاندنگههێ ڤهدمینن و نهشێن ب دروستی تهركیزێ لسهر خاندنا قوتاخانێ بكهن.
ژ لایێ فیزیكی ڤه دبیته ئهگهرا ، سهر ئێش،استرس، لاوازیا چاڤا، قهلهوی، كێم خهوی، كێم خوارن یان گهلهگ خوارن، پشت ئێشێ.
ژ لایێ سایكولوجیڤه، دبینه ئهگهرا ژ ناڤ چوونا پهیوهندییا وان د گهل دایك و باب ، تاكێن دیتر یێن خێزانێ و نه شارهزاییا وان د چاوانهتییا ههلسو كهوتان د ناڤ كومهلگههی دا.
مه بڤێت و نهڤێت ئهڤ كهرهسته ل بازارێن مه ههنه و یێن هاتینه د ناڤ مالێن مهدا، یا لسهر دایك و باب ان فهره كو ب سڤكاتی لسهر ڤی بابهتی دهرباس نهبن و زاروكێن خوه بێحنه لبن چاڤدێریێ و ئاگادار بن كو روژێ ژ دهمژمێرهكی زێدهتر كار كرن لسهر ڤان كهرهستان، دِشیت كاریگهریهكا خراب لسهر ههمی لایهنێن ژیانا زاروكێن وان بكهت.
تُتاح هذه الصورة أيضا في: کوردی