بەریكانەكا زانستی بۆ 50 لاو و ئافرەتان ل كۆمەلگەها مەهەتێ هاتە گێران
تۆرا لالش یا راگەهاندنێ
ب هەلكەفتا جەژنا جەمایێ،ئیرۆ رۆژا سێ شەمبوویێ 11/10/2016ێ،بەریكانەكا زانستی بۆ 50قوتابی و لاو و ئافرەتێن كۆمەلگەها مەهەتێ و ئاوارەیێن باشیك و بەحزانێ،ل هۆلا لالش مەهەتێ هاتە گێران.
ب ئامادەبوونا”مەهدی حەسەن”بەرپرسێ نڤیسینگەها لالش مەهەتێ و چەند ئەندامێن نڤیسینگەهێ و”حەنان بەشیر”ئەنداما جڤاتا پارێزگەها مووسل یا ئێكەتیا ئافرەتێن كوردستانێ وشاندەكێ دگەل دا، بەریكانەكا زانستی بۆ 50قوتابی و لاو ئافرەتێن كۆمەلگەها مەهەتێ و ئاوارەیێن باشیك و بەحزانێ،ل هۆلا لالش مەهەتێ هاتە گێران.
ل دەستپێكێ بەرپرسێ نڤیسینگەها لالش پەیڤەك خووند و تێدا جەژنا جەمایێ ل تەڤایا ئێزدیخانێ پیرۆز كر و ژخودێ مەزن خواست ئەڤ جەژن بتە دەرگەهەكێ خێرێ بۆ مللەتێ مە و جارەك دی ل سەر دەستێ پێشمەرگێ قارەمان ڤەگەرن سەر مال وملكێن خۆ و ئەو كچ و خوشكێن مە ژ دەستێن داعش رزگار بن وبگەهنە ناڤ كەس و كارێن خۆ و داوی سالا دەربەدەری وكۆچبەریێ و زوڵم و زۆرداریێ بت،هەروەسا سوپاسیا هەڤالێن ئەنجوومەنێ ئافرەتان و لژنا شێخان یا ئێكەتیا قوتابیێن كوردستانێ كر،ژبۆ هاریكاری و پشتەڤانیا نڤیسینگەها لالش.
ل دووڤ دا بەریكانە هاتە ئەنجامدان و دوو تیم ژ شەش تیما سەركەفتن،پاش دیاری ل سەر تیما ئێكێ و دووێ دا هاتن دابەشكرن.
تُتاح هذه الصورة أيضا في: کوردی