دهۆك.. میكانیزما وەرگرتنا ئاوارێن شەرێ مووسلێ هاتنە دانان
باسنيۆز:
بەرپرسێ راگەهاندن و پەێوەندیان ل رێڤەبەریا بۆردی كاروبارێن مروڤایەتیی دهۆكێ دیاركر دەست ب دانانا خالێن پشكنین و تۆماركرن و پێشوازی هاتنە كرن بۆ ئاوارێن شەری مووسلێ ، رەنگە هەتا 7 هزار چادرگەه بهێنە دانان بۆ ڤەحەواندنا ئاواران ل دەڤەرا شیخان و ناحیا زومار.
ئەڤرۆ 16/10/2016 سالم سەعید، بەرپرسێ راگەهاندن و پەێوەندیان ل رێڤەبەریا بۆردی كاروبارێن مروڤایەتیی دهۆكێ بۆ (باسنیوز) دیاركر میكانیزما وەرگرتنا ئاوارێن شەری مووسلی هاتە دانان چەند خالێن پێشوازی هاتنە دانان دێ ل دەستپێكی ئاواران تۆماركەن ودووڤدا كاری پشكنینی دێ هێتە كرن بۆ ئاواران پاشی دێ كەمپا هێنە ڤەحەواندن تنی دێ گیانی ئاواران هێتە پاراستن، سیی كەمپ بەرهەڤن بۆ وەرگرتنا ئاواران ل دووڤ پێدڤیاتیی دێ خێڤەت و چادرگەه بۆ ڤەحەواندنا ئاوارێن شەری مووسلێ هێنە دانان ب هەماهەنگی دگەل رێكخراوان بەردەوام بەرهەڤی یێن دهێنە كرن ئەم داخوازی دكەن هەموو رێكخراو زێدەتر پشتەڤانیی بكەن بۆ هاتنا ئاوارێن شەری مووسلێ چونكو رێژا ئاواران ل دهۆكێ گەلەك زێدەیە.
ل پارێزگەها دهۆكێ 22 كەمپ بۆ ئاواران یێن هاتینە دانان پتر ژ 700 هزار ئاواران ل پارێزگەها دهۆكێ هەنە ژبلێ ئاوارێن دناڤ كەمپا دا دناڤ ئاڤاهێن هەێكەل ژێ رێژەكا زۆر ئاواران ئاكنجیی كرینە.
تُتاح هذه الصورة أيضا في: کوردی