بەیانا مالباتێن شەهیدێن شەرێ دژی داعش
هەولێر-KDP.info- پێشمەرگە ئەو ناڤە یێ کو دگەل دامەزراندنا کۆمارا مەهاباد پەیدا بووی و بەردەوامی دایە خەبات و بەرخۆدانێ ژبۆ ب دەستڤەئینانا مافێن رەوایێن گەلێ کوردستانێ ل باشورێ کوردستانێ پشتی سالا ١٩٤٦ــێ.
پێشمەرگێ کوردستانێ خۆدانێ چەندین داستانان بوویە دژی دۆژمن و داگیرکەران ل هەمی شوروش و بزاڤ و بەرخۆدانێن بزاڤا رزگاریخوازا گەلێ مە دا قوربانی داینە، ئەڤرۆکە هێزا پێشمەرگێ کوردستانێ هێزا سەرەکی یە ل دژی تیرورێ بەرەڤانیێ ژ مرۆڤایەتیێ دکەت و ئەندامەکێ چالاکە د هەڤپەیمانا نێڤدەولەتی یا شەرێ دژی داعش، و ناڤێ پێشمەرگەی بوویە هێمایێ ئازایەتی و مێرخاسیێ ل سەرانسەری جیهانێ، لەورا ئەڤرۆکە پتریا وەلاتێن زلهێزێن جیهانی پشتەڤانێن هێزا پێشمەرگەی نە، ئەڤ چەندە ژی ژ ئەنجامێ وان قوربانی و خوراگریا پێشمەرگەیێن قارەمان بوویە کو پتر ژ دوو سالانە ب درێژیا سنورن کوردستانێ خۆینا خۆ یا پیرۆز بەخشیە و ب سەدان شەهید و بریندار داینە، ژبۆ پاراستنا هەمی پێکهاتەیێن کوردستانێ سەرەرایی ڤێ هەمیێ هێشتا د وەلاتێ مە دا هندەك کەس هەنە خۆ ب رۆژنامەڤان و رووشەنبیر دزانن و وێ جورعەتێ ددەنە خۆ زێدەگاڤیێ ل سەر ناڤێ پیرۆزێ پێشمەرگەی بکەن و گۆمانێ ل سەر وەلاتپارێزیا وان بکەن، و بێ رێزیێ بەرامبەر خەباتا وان یا پیرۆز دکەن و دیسان ب میلیشیات ل قەلەم ددەن.
ئەم وەکی کەس و کارێن سەربەرزێن شەهیدێن کوردستانێ ئەڤان کەسان و بیر و بۆچوونێن وان ریسوا و شەرمزار دکەین و ب چ شێوەیان قەبول ناکەین پیروزیێن وەلاتێ مە بهێنە بن پێ کرن ژلایێ چ کەس و دەزگەهــ و لایەنان ڤە.
کەنالێ NRT وەك ئێك ژ کەنالێن بەشدار د ئەنجامدانا ڤێ بێ رێزکرنێ د بەرامبەر ناڤێ پێشمەرگەی دا.
ئەم نەرازیبوونا خۆ بۆ رێڤەبەر و کاربەدەستێن کەنالێ ناڤبری دیار دکەین و داخوازێ ژێ دکەین لێبورینێ ژ کەس و کارێن شەهید و پێشمەرگەیان و خەلکێ کوردستانێ بخوازن و سوزێ زبدەن جارەکا دی ئەڤ کارە دووبارە نەبنەڤە ژبەرکو ئەڤ چەندە بوویە جهێ دلئێشی و نیگەرانیا پێکهاتەیێن گەلێ مە، ئەگەر نە ئەن ب مافەکێ خۆ یێ رەوا دزانین وەك کەس و کارێن شەهید و پێشمەرگەیێن کوردستانێ سکالایێ لسەر ئەڤی کەنالی ل دادگەهێ تومار بکەین و داخوازێ ژ وەزارەتا پێشمەرگەی دکەین کو پێرابوونێن خۆ یێن فەرمی و یاسایی راببیت بەرامبەری ئەڤی کەنالی، و هەر کەسەك یان لایەنـەك بێ رێزیێ بەرامبەر پێشمەرگە و پیرۆزیێن گەلێ مە ئەنجام بدەت.
بژیت پێشمەرگە
بژیت کوردستان
نەمری و سەروەری بۆ شەهیدیێن کوردستانێ.
رێکخراوا شەدا یا خزمەتکرنا مالباتێن شەهیدێن سەربەرزێن شەرێ دژی داعش
٢٣-١٠-٢٠١٦
تُتاح هذه الصورة أيضا في: کوردی