راگەهاندكار دلڤێن رەشید:ژنێن ئێزدی د راگەهاندنێ دە دكێمن
تۆرا لالش یا راگەهاندنێ/جیهان عەبۆ 
رۆژنامەڤان “دلڤێن رەشید” راگەهاند ژنا ئێزدی د چەرخێ بەرێ و تا نها ژنێن خودان شیان بوون ،و د راگەهاندێ دە كار كریە و ب رێكا مێدیا یا خزمەتا مللەتێ خوە كریە بۆ نموونە زەینب ئەیوب ئێكەم ژنا ئێزدی بوو ل رادیوا ئێریڤانێ وەك بێژەر كار كریە.
راگەهاندكارا كەچ یا ئێزدی دلڤێن رەشید گۆت:” ئەگەر بهێن بەر پەرێ دیرۆكێ لابدەین و بەری خوە بدەنێ دیرۆكە و میژوویا مللەتان دێ بینی ژن بوویا قوربانی یا هەر روودانەكێ ، ژ بەركو ژن پێشكە ژ وی جڤاكی دهەمان دەم دا رۆلێ خوە دیتی دهەر بیاڤەكی دا ، ئەگەر باس ژنا راگەهاند كار بكەن و ب تایبەتی ژنا ئێزدی د چەرخێ بەرێ و تا نها مە ژنێن خودان شیان یێ راگەهاندكار هەبوینە ب رێكا مێدیا یا خزمەتا مللەتێ خوە كری بۆ نموونە زەینب ئەیوب ئێكەم ژنا ئێزدی بوو ل رادیوا ئێریڤانێ وەك بێژەر كار كریە”.
هەروەسا دلڤینێ گۆت:”هەتا نها ژی مە هندەك كەچ و ژنێن راگەهاندن كار هەنە ئەو خزمەتا بەردوام كرینە ل گورەی قۆناغێن ژیانێ بەلێ پشتێ هاتنا داعش و ئەنجام دانا وان كارێن هۆڤانە ب تایبەتی ژی ئەوان كریارێن درندە یێ ب سەرێ كەچ و ژنێن ئێزدی ئینای ،لەورا كەچا ئێزدی پتر وێ وێرەكیێ ددەتە خۆ دەنگ وئێش و ئازاریت ژنا ئێزدی بگەهێنتە جیهانێ داكو فیشارێ بیخنە سەر جڤاكێ نیڤ دەولەتی ژ بۆئازادكرنا كەچ وژنێن ددەستێ داعش دە”.
ناڤهاتیێ دیاركر:”رگەهاندن كار گەلەك دكێمێن لێ پێشتی كارەساتا رەشا شەنگالێ روولەكێ باش هەبویە دخزمەتكرنا ئێزدیان دا ب تایبەتی ژی ڤە گوهاستنا چێرۆكێن كەچێن رێزگاربووی و دیاركرنا ئێش و ئازارێت وان بۆ جیهانێ ب رێكا مەدیای بوو وەك بەرنامێ “لاڤژ ل وار تیڤی ،مەرگەه ل رادیویا دهۆكێ ،نوچێن ئێزدیخانێ ل زاگرۆس تیڤی ،قنتار ل رادویا ئیسگەی دەنگێ كوردستان و چەند كەنالێن دیتر وەكی خزمەت وا پێشكێش كری”.
ژلایەكێ دیڤە “دلڤێنێ”رەخنە ل مەدیا ناڤخوی گرت و دبێژت:” هەتا رادەكێ كار كریە لێ نكاریە خوە ل ئێش و ئازارێن ژنا ئێزدی بكەتە خودان وەكی ئاستێ پێدڤی ژ بەركو تیرورستێن داعش تاوانەكا درٍندانە ب سەرێ مللەتێ ئێزدی ب تایبەتی ژی ل دەڤەرا شەنگالێ ئینیا ، ژبەر ڤێ كارەساتا مەزن ئەم ژی وەكی راگەهاندكارێن ئێزدی ل گۆری زانینا خوە كار كریە و كێماسی ژی هەبوینە ژ بەر وێ یەكێ بویە مە راگەهاندكار ێن ب پیشەیی یێن شەران نەبون”.
تُتاح هذه الصورة أيضا في: کوردی