قوتابخانێن ناوچەدارییا سنوونێ پێتڤی هاریكاریانە
تۆرا لالش یا راگەهاندنێ
ئەندامەكێ جڤاتا ناوچەدارییا سنوونێ،بانگەوازیەكێ بۆ پێشكێشكرنا هاریكاریێ بۆ قوتابخانان ئاراستەی جهێن حكوومی و مرۆڤایەتی و رێكخراوان دكت،ئاماژێ ب وێ چەندێ ژی دكت كو هەموو قوتابخانێن خووندنا كوردی و ئەرەبی ل سنوونێ پێتڤی ستافێ خووندنێ و كەل وپەلانە.
سلێمان فانۆ، ئەندامێ جڤاتا ناوچەدارییا سنوونێ بۆ رۆژنامەیا دەنگێ لالش گۆت:”ژمارا قوتابیان ل قوتابخانێن ناوچەداریێ ل هەر دوو خووندنێن كوردی و ئەرەبی بوویە گەلەك و ژپێشبیان پترە و پشتەڤانی یا كێمە و هەموو قوتابخانە و قوتابی پێتڤی ستافێ خووندنێ یێن تایبەتمەند و كەلوپەلێن خووندنێ نە،هەروەسا بارێ مادێ یێ ب سەدان قوتابیان لاوازە و بانگەوازیەكێ بۆ پێشكێشكرنا هاریكاریێ بۆ قوتابخانان و قوتابیان ئاراستەی جهێن حكوومی و مرۆڤایەتی و رێكخراوان دكەین”.
فانۆ ئاشكەراكر:”قوتابخانێن سەنتەرێ ناوچەداریێ نموونەیی نە ژ وان قوتابخانێن ڤەكری ل كۆمەلگەه و گوندان و سەرێ چیایێ شنگالێ،لەوا هەموو پێتڤی هاریكاریانە”.
تُتاح هذه الصورة أيضا في: کوردی