سترانبێژێن شنگالێ بنیاتێ هۆنەرێ كوردینە
كاروان باعەدری
شاكر خودێدا،هۆنەرمەندێ دەڤەرا شنگالێ د دیدارەكێ دا بۆ رۆژناما ئەڤرۆ گۆت:”من ژ زاڕۆكینێ دا حەژ ستران گۆتنێ كریە و من دیت خەلكەك حەژ دەنگێ من دكەت و من شیان هەنە ئەز سترانێ بێژم، پاشان ل ساڵا 2012 ێ كۆما ” 14 ی تەباخێ یا هۆنەری ” كاركر و من سترانەك ب ناڤێ رۆژا رەش ب زمانێ كوردی و عەرەبی ل سەر كارەساتا گر عزێر و سیبا شێخ خدرێ چێكر ئەوژی ژ پەیڤ و ئاوازێن شەمۆ شنگالی بوون و هەتا نها ئەز یێ بەردەوامم و من چەندین ستران هەینە “.
ناڤبری هێشتا گۆت:” ئەگەرێ سەرەكی یێ گۆتنا سترانێ ئەوژی ژیانا مەیا بێ واتە بوو و هەڤالان پشتەڤانیا من كرن ژ وانا ژی “شەمۆ شنگالی و عەزیز شاقۆلی و سەمیر شاقۆلی ” ستران بۆ من ژیانە و ئەز خۆ د ستراتنێ دا دبینم و خەمێن خۆ پێ درەڤینم هەستێن من ئارام دكەت و ستران بۆمن واتایەكا دیە ئەوژی حەزكرنا وەلاتێ رۆژێ و بیهنا بارانا شەڤێ یە.
دەربارەی هۆنەرێ شنگال گۆت:” سترانبێژێن شنگالێ بنیاتێ هۆنەرێ كوردینە و پشتی ڤێ كارەساتێ پێدڤیە ئالیكاریا هۆنەرمەندێن شنگال بهێتە كرن و هەتا نها ژی هۆنەرمەندێن شنگال ژ دبێ جهــ و سەندیكا هۆنەرمەندانە و پێدڤیە جهەكی هۆنەری هەبن و سەركەفتنا وان پێتڤی ب پشتەڤانیێ یە چونكی پشتی كارەساتێ هۆنەرێ شنگالێ دبارەكی نەخۆش دا دەرباز دبیت و هێشتا دبەردەوامن ژی ل سەر كارو خەباتا خوە”.
تُتاح هذه الصورة أيضا في: کوردی