نڤیسینگەها لالش مەهەتێ خوارنێن كوردەواری بەرهەڤ دكت
تۆرا لالش یا راگەهاندنێ
نڤیسینگەها لالش یا رەوشەنبیری و جڤاكی ل كۆمەلگەها مەهەتێ ب هەماهنگی دگەل ئەنجوومەنێ پارێزگەها مووسل یێ ئێكەتیا ئافرەتێن كوردستانێ وهاریكاریا بنگەهێ وەرزش و لاوێن قەسروكێ،چەندین خوارنێن كوردەواری و تایبەت یێن باشیك و بەحزانێ بەرهەڤكرن.
ل چارچۆڤێ بزاڤ و چالاكیێن خۆدە و درێژەدان ب خزمەتا ئاوارا ل كۆمەلگەها مەهەتێ و كەمپا مامرەشان،ل رێككەفتی١٧/١١/٢٠١٦ێ، نڤیسینگەها لالش لگەل جهێن ناڤبری چەندین خوارنێن كوردەواری و تایبەت یێن باشیك و بەحزانێ ل هۆلا لالش مەهەتێ بەرهەڤكرن و ب ئامادەبوون”ئازاد ئسماعیل”كارگێرێ لقێ 20ێ پارتی و بەرپرسێ نڤیسینگەها رێكخراوێن جەماوەری و پیشەیی و “ڤیان شێخ میرزا” كارگێرێ لقێ 20و بەرپرسێ ناوچا شێخان و خانم “حەنان بشیر”كارگێرا ئەنجوومەنێ ئافرەتان یا پارێزگەها مووسل و”شڤان غازی” نوونەرێ ناوچا قەسروكێ یا پارتی دیموكراتی كوردستان و”حازم هادی سیتو”بەرپرسێ رێكخراوا دێرسم ل مەهەتێ.
ل دەستپێكێ “مەهدی حەسەن”بەرپرسێ نڤیسینگەها لالش پەیڤەك پێشكێشی ئامادەبوویان كر و تێدا سوپاسیا بنگەهێ وەرزش و لاوێن قەسروكێ كر ژبۆ ڤێ هاریكاریا بەردەوام ،دیسا سوپاسیا ئێكەتیا ئافرەتێن باشیكێ كر بۆ دروستكرنا ڤان خوارنێن كوردەواری و ماندوبوونا وان دگەل مەدا.
ل پێرە هەر ئێك ژ”فاروق فەتحی” و خانم “حەنان”پەیڤێن جودا پێشكێشی ئافرەتان كرن و دەست خۆشی ل هەڤالێن نڤیسینگەها لالش كرن،بۆ ڤێ هاریكاری و رێكخستنا ڤان چالاكیان.
تُتاح هذه الصورة أيضا في: کوردی