ڤیان دەخیل: ھەبوونا پەکەکێ ل شنگالێ گەفەکا مەزنە
waar – دهوك :
ئەندامەکا جڤاتا نوونەرێن ئیراقێ و نوونەرا کوردێن ئێزدی راگەھاند؛ ئەگەرێ سەرەکیێ نە ئاڤەدانکرنا شنگالێ و دەست پێ نەکرنا گەھاندنا خزمەتکاریان، ھەبوونا پەکەکێ یە ل وی باژاری، ئەو یەک ژی گەفە ل سەر پرۆژەیێن حکومەتێ و ریکخستنێن ناڤدەولەتی.
ڤیان دەخیل ئاشکرا کر؛ ھەر چەند پتر ژ سالەکێ یە باژارێ شنگالێ ژ ئالیێ پێشمەرگەیێن کوردستانێ ھاتیە رزگارکرن، لێ ژ ئالیێ ئاڤەدانکرنێ و گەھاندنا خزمەتکاریان ڤە، کارێن پێدڤی نەھاتینە کرن، ئەگەرێ سەرەکی ژی بۆ وێ یەکێ، ھەبوونا ھێزێن پارتییا کارکەرێن کوردستانێ پەکەکێ یە.
ڤیانێ ئاشکرا کر؛ ھەبوونا ھێزێن چەکداری ل وی باژاری گەفەکا رژدە ل سەر ھەموو پرۆژە و خزمەتکاریان، ئەو یەک ژی نابیت بەردەوام بیت.
ڤیان دەخیل راگەھاند ژی؛ گەر ھێزێن پەکەکێ شەرێ داعشێ کربیتە بەھانە بۆ ھەبوونا وان ل شنگالێ، نھا چو بەھانە بۆ مانا وان نینن، ئەو باژار ژ داعشێ ھاتیە پاقژکرن، ژ بلی ھێزێن پێشمەرگەی ژی شنگالێ پێدڤی ب چو ھێزێن دی نینە.
تُتاح هذه الصورة أيضا في: کوردی