ئەوقافا ھەرێمێ: 300 کورد ل ناڤ داعشێ ھاتینە کوشتن
waar – دهوك :
بەرپرسەکێ وەزارەتا ئەوقافا ھەرێمێ راگەھاند؛ سێ سەد کورد کو بەری نھا پەیوەندی ب رێکخستنا تیرۆرستی یا داعشێ کربوو ھاتینە کوشتن.
مەریوان نەقشەبەندی بەرپرسێ پەیوەندیێن وەزارەتا ئەوقاف و کاروبارێن ئاینی بۆ مالپەرێ فەرمیێ پارتی گۆت: ژ دەستپێکا دەرکەتنا داعشێ تا نھا سێسەد کوردێن ژ پارێزگەھێن سلێمانی و ھەولێر و دھۆکێ پەیوەندی ب داعشێ کرین ب دەستێ ھێزێن پێشمەرگەی و فرۆکەیێن ھەڤپەیمانان ڤە ھاتینە کوشتن، ئاماژەکر یە ژی ھندەک ب دەستێ داعشێ ب خوە ھاتینە کوشتن، دوپاتکر کو نھا ھەژمارەکا کێم ماینە د ناڤا وێ رێکخستنا تیرۆرستی دا.
نەقشەبەندی دازانین کو پترییا کوردێن چووینە د ناڤا داعشێ دا، پلەیێن بلند ھەبووینە و ل دژی ھێزێن پێشمەرگەی بکارئینان، ھەروەسا ل رۆژھەلاتێ کوردستانێ ژی ھەژمارەکا زۆر چوونە ناڤا وێ رێکخستنا تیرۆرستی دا لێ ھەموو ھاتنە کوشتن.
تُتاح هذه الصورة أيضا في: کوردی