شنگال.. روفاتێن دناڤ گۆرێن ب كۆم دا ژبەر بارانێ چووینە
باسنيۆز:
قائیمقامێ قەزا شنگال دیاركر بارینا بارانێ بوویە ئەگەر روفاتێن دناڤ گۆرین ب كۆم دا ل دەڤەرا شنگال ل بەر لەهیێ بچن هەكە نەهێنە ڤەكرن مەترسیی هەیە ئەڤ سالا ل وەرزێزڤستانێگەلەک زیان بگەهتە گۆرین ب كۆم.
مەحما خەلیل، قائیمقامێ قەزا شنگال بۆ (باسنیوز) دیاركر هەژمارا گۆرێن ب كۆم ل شنگال گەهشتە 30 ، هاتنا لەهیێ زیانێن زور گەهاندنا گۆرێن ب كۆم. هەستیكێد كوشتیان ژبن ئاخێ دەركەڤتنەئانكو روفات ل بەر بارانێ چووینە و داخواز ژ نەتەوەیێن ئێكگرتی و حكومەتا عێراقێ و حكومەتا هەرێما كوردستانێ و ئیدارا مووسلێ و رێكخراوان دكەین ب زووترین وەخت دەست ب ڤەكرنا گۆرین ب كۆم بكەن چونكو ل وەرزێ زڤستانێ مەترسیا ژناڤچوونا گۆرین ب كۆم هەیە ئەڤە دێ زیانێ گەهینتە كەیسا جینوسایدێ.
قائیمقامێ قەزا شنگال گۆت:” چونكە روفاتێن كوردێن ئێزدی نە دناڤ گۆرین ب كۆمدا لەورا ژی حكومەتا عێراقێ پێنگاڤێن رژد نەهاڤیتنە بۆ ڤەكرن ودیكومێنتكرنا گۆرین ب كۆم”.
تُتاح هذه الصورة أيضا في: کوردی